اقتباس:
المشاركة الأصلية كتبت بواسطة اكدال
الخصم حسب سعر الشقه اتوقع شكلك محصل شقه يوميتها 700 ريال والخصم الشهري يوصل الف دولار
لان الي فوق ام جلسه بمشب الخصم لو اخذتها شهر يوصل 500 ريال بس
عادي التغيير زين خلال شهر تتغير حتى نفسيتك
في بدايتي في الموقع كنت اسئل واشك فيهم يغيرون كلامهم والشقه حلوه وتقييمها عالي
كنت اسوي حركه نجيسه شوي بشرط المكان وسياسة الحجز تخدمك وتكون الغاء مجاني
احجز مثلاً من السبت الي الاربعاء واسكنها
واحجز الاسبوع الي وراه من الاثنين للاربعاء
عشان لو اعجبتني محدد يدخل ويبعصني ولو اعجبتني كملت الحجز الاول وشبكته من الاربعاء لين الاثنين
واذا ما اعجبتني الغيت الحجز والاسترداد مجاني
الخطه كلها عشان محد يدخل ويحجز ويبعصك
بس خلاص الوضع اشوفه تغير صح فيه شقق عليها ضغط بس المعروض دبل
عام 2017 والله كانت تنعد الشقق اليوم بالهبل
انا اشوف حالياً
كازا خلك مع مارك
الرباط دعاء
وكل مدينه فيها شخص مجرب وشخصياً ماني مغامر مع ناس ماجربتهم
أرسلت بواسطة iPhone بإستخدام مزاعيط المغرب
نعم كلامك صحيح انا قياسي على تجربتي في اوروبا، مادري عن الجماعة في المغرب ما جربت الموقع هناك الى الان
بالنسبة لحركتك بالعكس ذكية، انا كسائح بالنهاية تهمني راحتي لكن ما يحدني على الحذر والتحوط الا وجود ناس كذابين يحدونك على اللف والدوران، لو ان الشخص صادق بالعكس احجز معاه طول المدة وانا متطمن، لكن اذا كان اول مرة طبيعي انت ماتعرفه ولا تدري يسويلك مشاكل او لا، تعليقات ايربنبي مالها قيمة عندي الا اذا شفت تعليق من واحد خليجي ممكن اخذه بعين الاعتبار، كذلك يعيب التعليقات عدم ظهور التقييم الي اعطاه الضيف للمؤجر
بالنسبة لمارك تقدر تقولنا شلون كانت تجربتك معاه؟ شنو شرطت عليه وشنو قالك وهل الشقة مطابقة للصور، ياريت لو تعطينا التفاصيل
وعندي سؤال اخير وماعليه كثرت عليك، اذا كان الموقع يسندك ويوقف معاك شنو الي يمنعك انك تجرب ناس جدد؟ ليش تعتبر الشخص الي ماتعرفه مغامرة؟
2023-04-07, 06:47 PM
المواضيع المتشابهه للموضوع: الحجز عن طريق Airbnb والسماسرة !!!
العرض المتطور
الدرهم المغربي مقابل عملات الخليج