الحجز عن طريق Airbnb والسماسرة !!!

نعم كلامك صحيح انا قياسي على تجربتي في اوروبا، مادري عن الجماعة في المغرب ما جربت الموقع هناك الى الان

بالنسبة لحركتك بالعكس ذكية، انا كسائح بالنهاية تهمني راحتي لكن ما يحدني على الحذر والتحوط الا وجود ناس كذابين يحدونك على اللف والدوران، لو ان الشخص صادق بالعكس احجز معاه طول المدة وانا متطمن، لكن اذا كان اول مرة طبيعي انت ماتعرفه ولا تدري يسويلك مشاكل او لا، تعليقات ايربنبي مالها قيمة عندي الا اذا شفت تعليق من واحد خليجي ممكن اخذه بعين الاعتبار، كذلك يعيب التعليقات عدم ظهور التقييم الي اعطاه الضيف للمؤجر

بالنسبة لمارك تقدر تقولنا شلون كانت تجربتك معاه؟ شنو شرطت عليه وشنو قالك وهل الشقة مطابقة للصور، ياريت لو تعطينا التفاصيل

وعندي سؤال اخير وماعليه كثرت عليك، اذا كان الموقع يسندك ويوقف معاك شنو الي يمنعك انك تجرب ناس جدد؟ ليش تعتبر الشخص الي ماتعرفه مغامرة؟

أسهل طريقه للوصول إلى اسم المستضيف ؟ plz.

نعم مطابقه للصور بس نقص بعض اغراض الطبخ
السرير عن نفسي اجيبه مخده وفراش 400 درهم جديد
النظافة جيده جداً
والضيوف محد اعترضني

انا اقيم الشقه الي سكنت فيها ماقيم كل شققه

فخلاص بالنسبه لي كازا مارك

التجارب ضياع ايام وفلوس محسوبه من الاجازه




Sent om my iPhone using مزاعيط المغرب

صعب بس ادخل على الروابط واضغط على اسم او صوره المستضيف


Sent om my iPhone using مزاعيط المغرب

اهلاً يسعد أوقات الجميع اكيد ما راح أكون ابخص منكم في هذه الموقع (AIRBNB) ,,, بس انا استعمل طريقة فيه من فتره مو بسيطة في المغرب وغيره ... موقع AIRBNB لو تجلس تقرى فيه شويات تلقى فيه أنظمة كثير في صفك. المهم ابحث عن شقه و اول ما تعجبك احجزها لمدة يوم واحد واذا ارسلوا لك احداثيات الموقع وتواصلت مع المسؤول اتفق معه عن كل شيء في الشقة مثل المواقف والمصعد من المواقف الى الشقة وجودة التكييف وشبكة النت تكون شغاله او لا .... وقنوات الـTV هل تشتغل او لا ... والحي الي فيه الشقة هل هو آمن او لا (((وضع الاحياء والأمان فيه ... بسيط تقدر تحصله في النت ولو تبحث عن الاحياء الأكثر آمنا او الاحياء الخطيرة تعرف وش الاحسن ))) وللمعلومية فيه ميزه جيده هي ان الموقع ما يسحب الفلوس من البطاقة على طول ... ينتظر الساعات الأولى يمكن انت تغير رأيك ولا يعجبك المكان وتغادر الموقع الغير مكتمل والغير مطابق للكلام المذكور بإعلان المسكن وهذي الميزة متاحه من إدارة الموقع بشكل رسمي ( للمستأجر ) وفلوسك ترجع للبطاقة خلال 48 ساعة . واغلب المسؤولين عن الشقق ما ودهم انك تدري عن مثل هذي المعلومات ... ملاحظة : تقدر تسوي شكوى على المؤجر بعدم تتطابق الكلام والصور بالإعلان عن الواقع المشاهد ... وراح ينكب ويوضعونه في البلاك لست وبعده مايقدر يأجر في الموقع انتبهوا لهذه النقطة خلوها بالحسبان .... أتمنى اني اضفت للموضوع . تقبلوا تحياتي.