بكرة مسافر للمغرب , استفسارات حول تأجير السيارات اذا تكرمتوا

مسائك نور حبيبنا
انا اعتبر جديد على المنتدى وفعلأ ما عرفته إلا وقت تسجيلي فيه
يعني مالي سابق معرفه بالأعضاء القديمين
لكن إقرأ المواضيع القديمه والمداخلات القديمه وقارنها بالحديثه
تجد الصورة الحواريه ثقافتها مختلفه وفرق شاسع بينهم
وهنا انا لا اعمم ولكن حوارات ومواضيع ومداخلات الأعضاء القدامى افضل من ما نكتبه نحن الآن
/
شكرا لك على إطرائك لأخونا ( مغربنا الحبيب ) وهو سفيرنا الحبيب الراقي
تحياتي للجميع

شكرا اخي العزيز بصراحه التقيت بشباب من الخليج قمه في الاخلاق والرقي وهذا الشي اسعدني والله ولكن للاسف النظره السلبيه لازالت عالقه حولنا هههه لكن ستزول مع الوقت وللعلم هذه عينات بسيطه لاتمثل الا نفسها بينما الاغلبيه شباب واعي وفاهم ومحترم ولديهم ثقافه السفر بشكل جيد جدا

السياح المحترمين الي يرفعون الراس ويخلونك تفتخر تقول انا خليجي عسى الله يزيدهم ويغنيهم ويكثر خيرهم ويزيد سفراتهم عشان يرفعون راسك ويبيضون وجهك، ولكن للاسف مو الكل مثلهم واحنا ما ننتقد الا التصرفات السلبية اما الايجابيات نبيها تصير هي الحد الادنى لنا

اخر سفرة لي قعدت شهرين احتكيت فيها بالمغاربة بشكل كبير وعلى قولتهم (وليت مغربي) وانصدمت بالنظرة الي ماخذينها عنا وللاسف مو جاية من فراغ، نسبة لا يستهان بها من ربعنا يجي من اقصاه كأنه مشفوح ما عمره شاف حريم، كمثال في بعض الاماكن ادخلها القى ربعنا قاعدين ومخازز بالبنات بشكل غلططططط والمشكلة البنت رافعة الجام عليه ومتضايقة منه وهو شكله غلط ما يشيل عينه عنها ولاصق فيها مو معطي مسافة بينه وبينها بس باقي يقعد معاها بالطاولة وهي تتجاهله والناس كلها تشوف هالمنظر والي ما يشتري يتفرج، والله اني كنت اتفشل وانا مالي شغل واسب والعن بقلبي واقول ليت من يسحب جوازك خمس سنين عشان تتأدب، والبعض الله يهديه مايعرف يفرق بين بنات الناس وبين البزنس ويحاول يتحرش ويقط وجهه على اي وحدة يشوفها بأي مكان، شي محزن وجابولنا الشوهة على قولة المغاربة، انا كنت ولا ازال مصمم على فكرة ان الشعوب الخليجية ارقى بكثير من الاوروبية واحاول اصحح هالنظرة عند المغاربة، لكن يجونك هالدبش بتصرفاتهم يخلونك تدعي على الي ختمله مغادرة والي ختمله دخول والطيارة الي جابته بكامل طاقمها.

امر آخر هو ان الوضع بالمغرب للاسف صار كأنك في سوريا قبل الحرب (والحمدلله اني ما رحتلها ولكن حسب ما كنت اسمع) لاني شفت ثقافة الهياط والاغاني الهابطة والدبكات ورش الفلوس والاستفزاز وقلة الادب منتشرة بشكل كبير، وصلت مرحلة ما قمت احب اسهر برا لان المستوى صاير سيء جدا وفي بعض الاماكن مسوي عليها حملة مقاطعة من كثر الوقاحة الي فيهم.

لكن الواحد يتأمل خير، عل وعسى تنظف الديرة

حياك اخوي رحال
قريت لك تقرير واعر قبل فتره وهالمره جلست شهرين وماعطيتنا العلوم
اذا ماعليك كلافه ووقتك يسمح عطنا المحبه ههه
مقتطفات من سفرتك والمدن والاجواء كيف كانت عساها افضل من اللي قبل
مع التحايا المعطره وارجو مااكون ثقلت عليك بالطلب وانت قدها .

اي والله رحلتي الاخيرة قعدت شهرين يوليو واغسطس ولكن التجربة كانت مختلفة تماما، افضل بكثير من رحلتي الاولى ولا تعرضت فيها لمشاكل ابدا (ولله الحمد) ولكن فتحت عيني على اشياء كنت اجهلها، تقرير رحلة يناير 2023 كتبته لاني وعدت بهذا الشيء قبل الرحلة ولكن رحلتي الاخيرة ما ودي اشارك تفاصيلها بالعام، ولكن انت والله ونعم فيك ولا اردلك طلب طال عمرك بس يكون عالخاص مو العام

علي راسي اخوي ماعليك زود الغالي رحال
الحمدلله علي نجاح سفرتك وهذا دليل ان تغيير الطريقه والتكتيك تكون نتائجه ايجابيه ههه
كلنا نتعلم من التجارب واللي حاب يغير طريقته بيلاقي الرحلات القادمه اجمل وافضل بكثير وحتي ارخص لكن للاسف البعض وهم قله يجون من المطار للسكن للمطار فبالتالي هو روتين مكرر لاجديد فيه والمتعه ايضا مكرره ان وجدت ولكن للناس فيما يعشقون مذاهب !!!
انتظر مقتطفات من رحلتك قدر الاستطاعه علي الخاص ولي الشرف .

قبل ماكان عندهم وسائل حداثه ومواقع تواصل اجتماعي كان المنتدى هو الوسيله الوحيده لتبادل المعلومات واي شي قديم لايتطور مصيره للزوال المنتدى للاسف ماتطور هذا هو قبل ١٥ سنه يعني صعب تجيب واحد من جيل التكنولوجيا وتبيه يتفاعل او يعلق فالمنتدى لكن ارجع للجيل القديم كانو يشوفون المنتدى دليل سياحي لانه مافيه لاقوقل ماب ولا خريطة سناب حتى تشغيل الموسيقى كانو عالديفيدي او يجيبون لابتوب وبعدها صار فلاش مومري واصلا رواد المغرب كانو قله بالنسبه لرواد سوريا ولبنان ومصر وحتى الطيور كانو غيرررر مستحيل تلقى طير يقول كذا ولا ابغى كلهم كلامهم مغربي وعالفطره وبعضهم بس تبي مكان تنام فيه وتاكل الحين تغيرووو والدنيا تغيرت والنفوس تغيررت

والله مادامك محترم الكل يحترمك غصب عنه

واحد من المية من البشر يعكر مزاجك حاول تتجاهل كل من يخرب عليك

اعتذر للشباب
كنت ارد بجوالي واحط صور اموجي ، ولكن ظهرت لي علامات استفهام
ارجوا ما احد يفهمها غلط

حمدالله عالسلامه ياحبر رحله كانت جميله وخفيفه ننتظر التقرير من سلبيات وايجابيات بعد ماتريح طبعا ويصفى جووك