بكرة مسافر للمغرب , استفسارات حول تأجير السيارات اذا تكرمتوا

شكرا اخي العزيز بصراحه التقيت بشباب من الخليج قمه في الاخلاق والرقي وهذا الشي اسعدني والله ولكن للاسف النظره السلبيه لازالت عالقه حولنا هههه لكن ستزول مع الوقت وللعلم هذه عينات بسيطه لاتمثل الا نفسها بينما الاغلبيه شباب واعي وفاهم ومحترم ولديهم ثقافه السفر بشكل جيد جدا

السياح المحترمين الي يرفعون الراس ويخلونك تفتخر تقول انا خليجي عسى الله يزيدهم ويغنيهم ويكثر خيرهم ويزيد سفراتهم عشان يرفعون راسك ويبيضون وجهك، ولكن للاسف مو الكل مثلهم واحنا ما ننتقد الا التصرفات السلبية اما الايجابيات نبيها تصير هي الحد الادنى لنا

اخر سفرة لي قعدت شهرين احتكيت فيها بالمغاربة بشكل كبير وعلى قولتهم (وليت مغربي) وانصدمت بالنظرة الي ماخذينها عنا وللاسف مو جاية من فراغ، نسبة لا يستهان بها من ربعنا يجي من اقصاه كأنه مشفوح ما عمره شاف حريم، كمثال في بعض الاماكن ادخلها القى ربعنا قاعدين ومخازز بالبنات بشكل غلططططط والمشكلة البنت رافعة الجام عليه ومتضايقة منه وهو شكله غلط ما يشيل عينه عنها ولاصق فيها مو معطي مسافة بينه وبينها بس باقي يقعد معاها بالطاولة وهي تتجاهله والناس كلها تشوف هالمنظر والي ما يشتري يتفرج، والله اني كنت اتفشل وانا مالي شغل واسب والعن بقلبي واقول ليت من يسحب جوازك خمس سنين عشان تتأدب، والبعض الله يهديه مايعرف يفرق بين بنات الناس وبين البزنس ويحاول يتحرش ويقط وجهه على اي وحدة يشوفها بأي مكان، شي محزن وجابولنا الشوهة على قولة المغاربة، انا كنت ولا ازال مصمم على فكرة ان الشعوب الخليجية ارقى بكثير من الاوروبية واحاول اصحح هالنظرة عند المغاربة، لكن يجونك هالدبش بتصرفاتهم يخلونك تدعي على الي ختمله مغادرة والي ختمله دخول والطيارة الي جابته بكامل طاقمها.

امر آخر هو ان الوضع بالمغرب للاسف صار كأنك في سوريا قبل الحرب (والحمدلله اني ما رحتلها ولكن حسب ما كنت اسمع) لاني شفت ثقافة الهياط والاغاني الهابطة والدبكات ورش الفلوس والاستفزاز وقلة الادب منتشرة بشكل كبير، وصلت مرحلة ما قمت احب اسهر برا لان المستوى صاير سيء جدا وفي بعض الاماكن مسوي عليها حملة مقاطعة من كثر الوقاحة الي فيهم.

لكن الواحد يتأمل خير، عل وعسى تنظف الديرة

والله مادامك محترم الكل يحترمك غصب عنه

واحد من المية من البشر يعكر مزاجك حاول تتجاهل كل من يخرب عليك

الله يعطيك العافية يابعدي على ذكر التجربة واشكرك على هالاسلوب الذرب ..
بخصوص الجو حاليا بارد بالحيل ولا سهالات ؟

حياك الله
الاجواء علي ايامي كانت خيال امطار خفيفه مع نسايم هوا ترد الروح تميل للبروده بالليل تحتاج جاكيت خفيف
اللي تستهويه هالاجواء الوقت مناسب جدا هالايام وخصوصا اللي يحب سياحه النهار والمشي مثلي ههه تصدق احيانا السياره تمر 24 ساعه مااشغلها ههه ماتبغي غير تتمشي وتشم نسايم الاطلسي والمتوسط الرائعه
رحله سعيده ومنتظرين توافينا بالعلوم الزينه

حياك اخوي رحال
قريت لك تقرير واعر قبل فتره وهالمره جلست شهرين وماعطيتنا العلوم
اذا ماعليك كلافه ووقتك يسمح عطنا المحبه ههه
مقتطفات من سفرتك والمدن والاجواء كيف كانت عساها افضل من اللي قبل
مع التحايا المعطره وارجو مااكون ثقلت عليك بالطلب وانت قدها .

????????????????
رايح تسمين

مشبت مشاوير رياضة ما اذكر اني قد مشيتها
الطقس كان يساعد وسكني في فندق الاندلس في سنتر الاماكن الحيوية
وخاصة الاسبوع الاول
ومع ذلك أكلت عدد وجبات "صحية" خالية من السكريات والقمح بشكل كبير ولله الحمد.
ورغم أني أكثر شخص حساس فيما يخص التسمم الا أني لا اعاني أبدا وهذا شي غريب ، ولعل رياضة المشي كان لها دور كبير.

الله يجبر خاطرك ????
الشباب هنا مايقصرون في اجاباتهم ونصايح ، استفدت منها كثير
والممتع انه يوجد "بعض" الاختلافات وهذا شي ايجابي طبعا لاختلاف ذائقة وجو كل شخص.

???????????????? كأنك تشوف
اموري مشت زي الحلاوة ، ولساني انطلق وصرت افهم منهم والجرأءة اعتلت ، والعسل حالي جداً

????????????????????
الله يسعدك
وتكه بسيطه وكنت راح آصل للحالة الي قلت عليها.