خيبة امل كبيره في باكو .. النصب و الإحتيال بجميع انواعه و فوقها غلى الاسعار

الله يعوضكم خير ولكن البلد افضل بكثير مما ذكرت والنصب صراحه اشوفه قليل جدا وفي اماكن محددة
انا مو قاهرني الا الشقه ليش حاسبت؟!
تقول انها سيئة وتعامل زفت وتحسهم عصابه ورفعوا السعر اضعاف ومع ذالك سلمتهم رقبتك ودفعت !!!!!
ياان سوالفك من وحي الخيال او انك شخص خواف
تراك سايح وعندك سفار تحنيك وعندهم امن قوي جدا
** خويي يطلع باكو كل ٥ شهور ودايم يمدحها والنصب يجيك اذا كنت ماتفهم بس

-اي مكان تدخله اطلب المنيو ودقق في الفاتوره واحرص ماينزل لك شي الا انت طالبه فعلا
-السكن هو اكثر شي متاح عندهم اسعار حلوه ومستوى الشقق ممتاز وعندك فنادق حلوه واسعارها رخيصة

الله يسامحك بس .. والله حكايتي زي ما قلت لك بالضبط .. و لاني خواف و لاشي و لكن انت في بلد ما فيها نظام .. البوليس نفسه ينصب عليك .. بعدين انا صرت بوسط الشقه و اصحابي معي و لا عاد فيه وقت نروح ندور سكن و نتلعوز .. فيه قروب ثانيه قابلناهم في قبالا يشتكون نفس ما نشتكي .. ربما اللي يروح و ما يدقق و يخلي كل شي ماشي او ما عنده خيره ببلدان ثانيه يقول اذربيجان زينه .. اغلب بلدان العالم رحتها ما حصلت مشاكل زي ما حصلت عند ذولا.

كيف تقول عندهم امن قوي جدا !! اقول لك مكتب تاجير السيارات يقول ترا البوليس نصاب و تقول لي امن .. شارع نظامي مليان بالنصابين اللي يعرضون عليك بنات و مساج و خدمات جنسيه و بعضم هنود و بنقالية و المقاهي حقتهم مليانه بنات يعرضون انفسهم للسياح .. يا اخي نعرف ان فيه حركات من هالنوع في اغلب بلدان العالم بس مو بهالشكل الفاضح ..
الخلاصه : انه بلد بدائي تعبان شعبه غير ودود و استغلالي .. و من المؤكد ان فيه ناس ترتاح لهالنوع من البلدان و هذا شي خاص فيهم لكني هنا نقلت لكم ما حصل لي بالضبط ، و حكاية ان عندك سفاره تحميك، يا سيدي السفاره مالها علاقة بسكن و سياره و مطعم و خلافه .. السفاره تتدخل في امور مهمة و طارئة فقط.