يوميات مخاوي الشنطه بالرباط

مخاوي الشنطه · 2011-07-16T19:08:00+00:00

[SIZE="6"][COLOR="RoyalBlue"]من فتره وانا ابي اسافر المغرب وكنت ابحث مع الزملاء اي شخص ضليع بالمغرب وجدت اشخاص كثر لكن كانت تجاربهم بسيطه فكرت قلت اجل مالك الا الشيخ قوقل وبالفعل بحثت في هذا المحرك العملاق الى ان ساقتني الاقدار الى هذا المنتدى المختص الي سهل على امور كثيره كان لها الاثر الاكبر في التوجه للمغرب الغريب ان سفراتي لبلدان متنوعه كان الترتيب بسيط جدا وعلى طول على المطار ومش حالك الامور بالبركه لكن في مايخص المغرب لم استخدم نفس القاعده قلت المغرب فيه نوع من الغموض وماراح ارتاح حتى يكون في ترتيب المهم كنت في البدايه راح اتجه لكازا وتواصلت مع [CENTER][COLOR="Red"]العضو النجم الاول والعضو ديقا والعضوه سلمى[/COLOR][/CENTER] وماقصروا جميعا وضحوا لي بعض الامور وكنت ناوي العزم على كازا لكن بعد قراءة تقارير الشباب عن كازا وغيرها حسيت ان الموضوع يبي له تمرس وخبره حتى تعيش جوك غيرت رأي وقلت ابروح مراكش فنسقت مع شخص خارج المنتدى واتضح لي ان الاسعار مبالغ فيها والخيارات محدوده غير أن مراكش في الصيف جوها حار قلت اجل مابقى الا الرباط ومدن الشمال تواصلت مع عاشق الرباط اخونا الكبير سادورا فقلت ماالاك الا الرباط والمرات الجايه نجرب غيرها بحكم اني اول مره اسافر للمغرب ماقصر اخونا ابو راشد مهندس السفره وعشنا احلى ايامنا في الرباط هذي مقدمه بسيطه حتى تتصورون وش لون كانت البدايه . فحياكم الله يالمزاعيط والمعذرة إني تأخرت في مشاركتكم تقريري المتواضع أتمنى يكون هذا التقرير إضافة مفيدة لهذا المنتدى بعد التفكير في اختيار أسلوب كتابة التقرير وبعد لمحه سريعة على تقارير الشباب الي سافروا وشاركوا في المنتدى بتقاريرهم وجدت طريقة أخونا النجم الأول لها شعبيه من خلال التفاعل الكبير الي رأيته من تقاريره فيسمح لنا أخونا النجم في التقليد راح ابداء بالسبب الرئيسي لسفر للمغرب هو السياحه والاستجمام وسعت الصدر واكتشاف المغرب. نبدأ من اول يوم قررت السفر للمغرب وبالتحديد مدينة الرباط نسقت مع اخونا ابو راشد (سادورا) وقالي قبل سفرتك بأسبوع اتصل ويصير خير قام اخونا سادورا بترتيب جميع أمورنا في الرباط من السكن والمواصلات من وإلى المطار والآراء والمشوره طوال أيام تواجدنا في الرباط الشكر طبعا مايكفي في حق ابو راشد:Abu Ahmed (790): . استفدت كثير من تقرير أخونا قناص نجد لكن العتب على اللياقه ياقناص نجد ماقدرت اروح لكل الأماكن في تقريرك وأنا أتمشى أتذكر حلقات التقرير مجهود مشاءالله عليك اخوي قناص نجد أنا من ثالث يوم مليت من التصوير وبطلت دور الخواجه السائح ورميت الكاميرا حتى اخر يوم اخذت كم صوره تذكرت أن فيه كاميرا تقولون اني مـتأثر بأفلام الكرتون أنا أشهد واستمتع بها لحد الآن وخصوصا أفلام الكرتون إلى تذكرني بأيام الطفوله اتمنا أنكم تستمتعون من خلال يوميات عدنان وعبسي والكبيده والقليب ديالي لينا وانشاء الله السفرات الجايه راح يكون فيه لينا ادعو لي. [CENTER]مخاوي الشنطه عدنان [IMG]https://www.mza3et.com/up/uploads/images/mza3et.com-2de7c5dbc4.jpg[/IMG] صاحبي بالسفره عبسي [IMG]https://www.mza3et.com/up/uploads/images/mza3et.com-f83fea8d87.jpg[/IMG] لينا الكبيده ديالي مازال البحث جاري عنها [IMG]https://www.mza3et.com/up/uploads/images/mza3et.com-03b8a55c66.jpg[/IMG][/CENTER] بعد المقدمة نبدأ من اول يوم المكان مطار الملك خالد موعد رحلتنا إلى جده والفيلم الي صار لي مع الجامعه الي عدا سلامات بين رحلت الرياض جده جده كازا يوم الرحله كان فيه نشاط وحيويه لو كنت ابسافر لشرق اسيا ولا احد الدول العربيه القريبه ماتفرق لكن ذاك اليوم فيه شي غريب يمكن لأني من فتره افكر اسافر لكن كل مره اقرر فيها وقت السفر يكون عندي ظرف أو يقل الحماس اتجهنا إلى مطار الملك خالد وقام اخو عبسي بإيصالنا للمطار وودعنا اخو عبسي وتمنى لنا التوفيق في الرحلة بعدها نزلنا لصالة المغادره ووصلنا لكونتر البوردنق ندور على التذاكر نقلب في الشناط مافي شي طبعا هنا بديت أتذكر الحلم الي صار لي قبل يومين من السفر أرجعوا لموضوعي الخاص بتوديعكم قبل مااسافر قلت ابد هذا تفسير الحلم ضيعنا رقم الحجز والتذاكر والرحله راح تفوتنا وعبسي معصب ويقول مطبات من أولها شكلي ابهون يا عدنان يقولها عبسي من ورى قلبه اعرفه صاحبي لو يوصل الدم للركب مسافر عبسي مسافر المهم اكتشفنا إن التذاكر نسيناها مع أخو عبسي بالسياره وتم الاتصال عليه وقام مشكورا بالعوده وتسليم التذاكر بداية لكم عليها خلتنا نحرص شوي لا نجيب عيد اكبر نروح فيها من بعده. توجهنا لكونتر الخطوط السعوديه وطلبنا كرت صعود الطائرة وموظف الخطوط يوزع ابتسامات ماأدري ليش غريبه يمكن لحم الحمير سوى شغل مضبوط مع خطوط النحس إنا ناقم وبشده على هذه الخطوط المريضة المهم توجهنا لبوابة 32 وجلسنا إلا الخدامه في الشقه بالرباط تتصل تسأل وين وصلتم وعطتنا رقم السواق الي من طرف أبو راشد اتصلنا على السواق وعلمناها متى موعد وصول رحلتنا وتم ترتيب الأمور عند وصول مطار محمد السادس مع السواق وطلبنا منه يكون الساعه خمس تماماَ عند صالة القدوم . ركبنا الطايره وتوجهنا لجده وبعدها جلسنا يوم في جده قضيناه نرتب شناطنا وأغراض الرحلة والنفسية مرتفعه ارتفاع في العلالي . وصلنا جدة استقبلنا واحد من الشباب من زمان ماقابلته وهو يقول لي أخيرا راح تسافر للمغرب خوينا في جدة ضبطنا بشقة ونزلنا الشناط في الشقة وعلى طول نزلنا من الشقة ورحنا كملنا باقي الأغراض ورجعنا لشقة ونوم لليوم الثاني طلعنا المطار على الساعة عشرة صباحا وعلى طول على الصالة الدولية هنا لقيت مزعوط في الجوازات على وين يالطيب على بلاد المغرب؟ قلت إيه وابتسامه يعلوها الفرح وموظف الجوازات كله حسره وألم ويقولنا الوعد قدام يالمغرب قلت له الله يقويك توجهت أنا وعبسي إلى الانتظار في انتظار باصات الرحلة فيه معلومة نسيت أذكرها لكم طبعا أنا قبل السفر صرحت عن شخصيتي في المنتدى من خلال موضوع توديعكم في المنتدى كذا عضو كان معنا في الرحلة وكانت العلامة الفارقة الخاصه بعدنان انه لابس تيشيرت برشلونه يوم الرحلة ومنتظر في صالة المغادرة كل ذلك في سبيل إذا كان في أحد الأعضاء الأعزاء شافني نتواصل مع بعض مثلكم عارفين الطيران ممل قلت يمكن نقطع وقت الرحله في بعضكم بيقول وش ذا الخبل لكن أنا من الناس الي بسرعة يمل من الطايره وقتها جاء واحد عندي من الشباب ماأعرفه وسأل هذي رحلت المغرب قلت له وصلت قال لي مشكور أخوي وقتها بغيت أقوله تعرف منتدى المزاعيط تراجعت قلت كل واحد راح اسأله شخصيتي الآن مكشوفه وأي واحد عنده فكره عن الموضوع وله رغبه في التواصل معي راح يوصل. المهم ركبنا باصات خط البلده وتوجهنا لطائرتنا الي راح توصلنا المغرب وجلسنا في الطيارة كالعادة زي أي واحد من الركاب يدعي أن ماأحد يجلس جنبه عشان يآخذ راحته العالم تدخل في ذا الطيارة قلت لصاحبي عبسي كل ذا العالم وذا الشناط شكل الطياره ماراح تقلع رد على طول قال تراك في الخطوط السعوديه وتراها قد صارت في رحلة في المدينة المنورة ماأقلعت الطيارة من زود الحمولة تخيلوا يامزاعيط بالله هذا ناقل وطني متى يفتحون الأجواء السعوديه للخطوط الخليجية والأجنبية شرط أن الملحم يحرج على طيارته في حراج النسيم ثاني يوم . مازلنا ننتظر حتى تجهز الطايرة إلا ويجي واحد ماشاء الله عليه جسم ضخم ولحيه كبيرة من أخواننا المغاربة ولابس لبس مغربي تقليدي شكله أخذ عمره وراجع للمغرب أنتظر أقول أنشاء الله إنه يجلس قدام شوي شوي إلين وصل عندي قلت إنشاء الله إنه يروح لآخر الطيارة في المكان واللحظة الحاسمة جلس جنبي ألتفت عليه وش ذا شكله يشتغل في الهيئة ولا عضو في الأخوان المسلمين وش ذا الحظ النحس لكن بصراحة طوال فترة الرحلة الله يذكره بالخير رجل خير ومحترم واستفدت منه لذلك لانتسرع في إطلاق الاحكام بمجرد النظرللمظهر الخارجي اقلعت الطايرة وارتفعت وارتفعت معنا المعنويات وأنا أسئل سؤال غريب قلت أشوف معنويات صاحبي ياعبسي وين راح تنزل طيارتنا رد كازا مطار محمد السادس مااستغرب السؤال عبسي من كثر الفرحة وفهمها وهي طايره. انتظروني في التكمله واذا اسلوب الكتابه غير مناسب ممكن اغيره تستاهلون [/COLOR][/SIZE]

قناص نجد

مزعوط فضي

المشاركات: 834

تاريخ التسجيل: Jan 2011

الدولة: عـنـيـزهـ

العمر: 42

2011-07-17, 11:05 PM

المشاركه #1

رد: يوميات مخاوي الشنطه بالرباط

اقتباس:

المشاركة الأصلية كتبت بواسطة مخاوي الشنطه

استفدت كثير من تقرير أخونا قناص نجد لكن العتب على اللياقه ياقناص نجد ماقدرت اروح لكل الأماكن في تقريرك وأنا أتمشى أتذكر حلقات التقرير مجهود مشاءالله عليك اخوي قناص نجد أنا من ثالث يوم مليت من التصوير وبطلت دور الخواجه السائح ورميت الكاميرا حتى اخر يوم اخذت كم صوره تذكرت أن فيه كاميرا

ياهلا ومرحبا فيك مخاوي الشنطة

ياغالي مانقدمه جهد بسيط لبلد عظيم

و أنتم تستحقون ذلك ، وتسعدني دعوتك لي على هذا التقرير المميز كصاحبه

وأعتذر على التأخر في الدخول هنا نظراً لانشغالي

وأنا لم أكتب شي جديد على الرباط ، واسعدتني تذكرك لحلقات التقرير اثناء تجوالك بالرباط

لكن لي عتب عليك ، البلد صغير كان بإمكانك التجول به بسهولة

لكن لياقتك تحتاج إعادة نظر
:Abu Ahmed (490)::Abu Ahmed (490):

__________________

رحلة الإنبساط الى بلد الهدوء الرباط ( 500 صورة )

جولة منتصف العام إلى الرباط بلد الإحترام ( 500 صورة )

رحلة الخريف الى الرباط و إفران والريف ( 500 صورة )

رحلة الأيام السعيدة في سيدي بو زيد والجديدة ( 250 صورة )

مخاوي الشنطه

يوميات مخاوي الشنطه بالرباط

المشاركات: 1,046

تاريخ التسجيل: Apr 2011

الدولة: منتدى المزاعيط

2011-07-18, 10:40 PM

المشاركه #2

رد: يوميات مخاوي الشنطه بالرباط

اقتباس:

المشاركة الأصلية كتبت بواسطة قناص نجد

مرحبا بقناص نجد لو على اللياقة المره الجايه قبل السفر راح اسجل في نادي لرفع اللياقة والهدف ضواحي الرباط مثل ماسويت ماشاء الله عليك

لكن في النهايه مريت على اغلب الاماكن الي رحت لها ماعدا السويقه والوداديه لكن المرات الجايه راح يكون لها نصيب

هلا بك وبمرروك اخوي قناص نجد

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: يوميات مخاوي الشنطه بالرباط
الموضوع	آخر مشاركة
الشنطه	2014-05-23 07:07 AM
قصيده لمخاوي الشنطه	2012-08-06 11:38 PM
قصيده لمخاوي الشنطه	2012-08-02 05:02 PM
مخاوي دابا بالرباط	2012-06-13 08:05 PM
اهداء الى عثمان بزناس مخاوي الشنطه فياض خبير اغادير البرنس مصطي امواج الشمال حديدان المحب 777	2012-02-04 10:38 PM

الساعة الآن 03:44 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

يوميات مخاوي الشنطه بالرباط

روابط سريعه