تبي تروح مراكش لأول مره ولا تعرف شي .. ادخل لتعرف الحقيقه

محب الكل · 2011-12-02T09:34:04+00:00

[FONT="Tahoma"][SIZE="4"][B][COLOR="Navy"][CENTER] اخواني هذي نصايح للي يبي يروح مراكش ويبي ينبسط ويكون جوه عالي ومستانس وبصرفيه اقل : ا 1- تستاجر سياره من كازا من المطار تستلمها بحدود 300درهم 2-السكن النخيل او شقق مراكش بلازا أو جنه النخيل أو قاردن ستس بس بعيده أو فله سكنيه والخيرات كثيره انت من يقررها .. 3- الاكل خل الشغاله تطبخ لكم افضل وانظف لأن المطاعم العاديه سيئه في الجوده ماعدى مطاعم 5 النجوم مثل جاد محل وتكون غاليه بس مره وحده مهيب ضاره لو تاكل منها .. 4- عليك بقليز والكفيات اللي فيها وهذي تروح لها يومياً :) 5- عليك بساحه الفنا مره وحده تكفي 6- شلالات اوريكا وستي فاطمه للتمشيه وتروح على الساعه 1الظهر وهي قريبه تقريباً ساعه وتتغدا هناك في المطاعم الشعبيه .. 7- اذهب انت والشغاله وخلها توديك الظهر لسوق السبت إذا كنت ماتدل خلها تروح معك لتشتري تويس لباني للشوي والبارتي والحركات ولحم ظازج وارخص من المرجان وفيه سوق آخر قبل محطه افريقيا وانت طالع من النخيل خش يسار وابتل سيدا بحدود 3كم وتلقاه على اليسار مجمع كبير فيه خضراوات رخيصه جداً ولاحوم ومن كل لذ وطااااب بس ناسي اسمه .. 8- خلك ذيب مع الشرطه إذا وقفتك وانت امورك بالسليم من ربط الحزام وجوك اوكيه قله خلصني بمخالفه بيقولك خلاص عطني اللي تبيه وكذا بتعطيه 50 درهم ولو ماقلتله تراه بياخذ منك اقل شي 200 درهم حتى ولو انك مخالف وقاطع اشاره لأن بياخذ 50درهم افضل من لايستفيد شي ويسجلك بمخالفه وترى سواقتهم تختلف عن سواقتنا بالخليج من ناحيه الدوارت اللي ما ادري وش تبي تخيلوا لقيط دوار بحجم كوره القدم ههههههههههه اي والله .. 9- لاتبخشش ولا تكب دراهم وانا خابر إنك رجل على قد حالك يعني منت تاجر وحتى ولو انك تاجر خلك ذيب مثل الاوربيين والله مايعطي درهم واحد إلا وهو حاسب حسابه وهو تاجر لذلك خلك ذيب ولا تصير اهبل لأن للأسف بعضنا اهبل يكب دراهم ويتحسف إذا رجع والصراحه ترى اللي قدامك وعطيته بخشيش تراه مايحسبك رجال والله يعتبرك اهبل لذلك خلك نظام اوربي واقسم بالله إن يحترمك اكثر إذا كنت حازم وجاااد .. 10- مادام إنكم أكثر من اثنين عينوا بينكم امير هو اللي يقوم وهو اللي يحاسب ويكون مضبوط لابد يكون جوه ثقيل لأن بتشوف النصب إذا جتك الفاتوره بس لو كان معكم امير مضبوط والله ماياخذون منك درهم واحد .. 11- تبي تشيش رح للديوان وبتلقا اللي تبيه كمان :) 12- تبي سوق رح للمزار وفيه كارفور وهو ارخص من المرجان وفيه مطاعم عالميه مثل فرايدز واخوانا في المنتدى تراهم ماقد جابوا سيره للسوق ابداً إلا القله وفيه محلات عالميه من ملبوسات وغيره وسينما يعني مركز متكامل .. 13- تبي حمام مغربي الخيرات كثيره بس جربت حمام في قليز حلو فوق مطعم السناك البحري 400درهم حمام + مساج وغيرها الكثير .. 14- لاتخاف وبتقول ما ادل اقسم بالله إن الشعب المغربي من ذا الناحيه توب ومثقف ويبي يوصل لك المعلومه قول لهم ابي شارع الفلاني يعني صادفت انا كذا مره والله إنهم يوقفون لي إذا كنت بالسياره ويقولون لي وقف ونتفاهم واوقف ويجلس يشرح لي ولا بعضهم يقول خلك وراي يعني في ذا الامووور الصراحه يشكرون عليها افضل من اللي عندنا وخاااصه حصل لي موقف في البحرين وسألت شخص واثاريه اللي ابغاه في طريق وهو موصف لي طريق ثاني ..! 15- تبي مطاعم فخمه سبق ذكرت لك وفيه اشياء اخرى ولكن فيه عروض شعبيه مع وجبه عشاء في علي بن فلاح يعني تجي وتتعشاء فيه وتشاهد العروض الشعبيه مع اللحم المشوي والمقبلات واكييييييييييد الزيتوووووون اللي لو تروح حلاق حطوه لك هههههههههههههههههه 16- لاتصعب على عمرك وتقول صعبه ادل لأن سواقين التكاسي اسوء طبقه في جميع المجتمعات والسواق يغثك مافيه احلى من احد يسوق فيكم وخاااصه الامير اللي معينيه انتم وهو قد المسؤليه يعني راح يبسطكم واقترح عليك الآتي للي أول مره يزور مراكش : أ- خل هناك شخص في مطار كازا يستقبلك بسياره وانت متفق معه سابقاً والشباب مهوب مقصرين معك من ناحيه كرا السيارات ولا ودي اسوي دعايه لأي شخص . ب- اتفق معه وانصح يكون معك بطاقه فيزا او ماستر كارد لكي يحجز على المبلغ للتأمين ولا ياخذ جوازك لأن الجواز راح تستفيد منه للكرا اللي بتستاجره للسكن ولكي تحفظ حقك لأن الجواز اهم من روحك :) ج- بعد ماتتفحص السياره وتدفع أسأله وين طريق مراكش بيقولك امسكه وعلى طوووول وانصح اول محطه بتجيك قبل التقاطع عب منها لأن بيجيك البنزين وهو مافيه ولا اللي بيبل ريقه فااااضي ههههههههههه د- اجعل القارمن هو دليلك في الطريق لأنه هو اللي بتضمنه بعد الله بس كان اللي معي بعض الشوارع مهيب موجوده هـ - قبل لا تسافر وهذا اللي حصل معي افتح هذا الرابط واعرف كل شي من اسماء الشوارع ومن السكن اللي بتسكنه ومن اهم المناطق اللي بتروح لها [URL="https://www.worldmapfinder.com/GoogleMaps/Ar_Aica_Morocco_Marrakech.html"]https://www.worldmapfinder.com/GoogleMaps/Ar_Aica_Morocco_Marrakech.html[/URL] و - مراكش سهله ولا تروح بعيد في أول يومين يعني اعرف سكنك وبعدين اعرف اهم شارعين محمد السادس واللي فيه من اماكن تبي تروح لها والشارع الثاني محمد الخامس اللي فيه قليز وامتداده ساحه الفنا ولا انسى شارع اللي عقدني مع " مراكشي " الله يذكره بالخير وهو عبدالكريم الخطابي فقط .. ز- اعرف هؤلاء الشوارع وصدقني راح تريد مبتغاك من ناحيه السواح وافضل المناطق وبعدها لف في مراكش على كيفك بس انتبه تضيع لأن مراكش عمايرهم كلها بني يعني لا تقول قد جيت ذا الشارع العماير متشابهه والقارمن اسنده معك .. 17- لابد من عمل برنامج قبل لا توصل وين بتروح ووش بتسوي في أول يومين لأن مراكش تختلف عن اغادير من ناحيه التنظيم .. 18- مادام إنك في سياحه فالصراحه انا خاويت واحد بريطاني وكان شخص محترم واعجبه وضعنا وبرنامجنا وجلس معنا وعزمنا في مطعم غالي جدا في فندق السعدي وفي حسب البروتوكول الأوربي والغربي عااامه واللي اعرفه انا من ناحيه عملي وسفري والله ما يدفع لك ولا درهم واحد بس هذا كان غير البريطانيين ولهذا خاويته لأنهم بعضهم استغلاليين وانا خابرهم زين وخاوينا وحده اسبانيه بس مو انا اللي معي وكانت جايه مثلنا تبي تنبسط بعيداً عن جو الاوربيين وكانت تفكنا من الدرك اي والله إذا كانت بسيارتنا او سيارتها وخاوينا مغاربه وكانوا من حسن ضيافتهم تخليك تشكرهم غصب بس نصيحه تذوق هذا الفن وراح تنبسط 19 - هذا عمل اجتهادي مني للي بيسافر مراكش فقط واللي يبي يضيف لإطراء الموضوع بنكون له من الشاكرين .. آتمنى إني وفقت في عمل هذه النصايح والبرنامج المتكامل لرحله مراكش الحمراء لأن مراكش تختلف عن اغادير في البرنامج السياحي أنا عطيتكم الاشياء المهمه وفي جعبتي الكثير ولكن لوقت آخر بأذن الله /[/CENTER][/COLOR][/B][/SIZE][/FONT]،

فلها وربك يحلها

مزعوط نشيط

المشاركات: 118

تاريخ التسجيل: Oct 2012

2013-01-13, 10:20 PM

المشاركه #91

رد: تبي تروح مراكش لأول مره ولا تعرف شي .. ادخل لتعرف الحقيقه

اشكر سمووووووووووووووك يااميررررررررررررررررررر

مزعوط برشلوني

مزعوط نشيط

المشاركات: 105

تاريخ التسجيل: Jan 2013

2013-02-01, 09:49 PM

المشاركه #92

رد: تبي تروح مراكش لأول مره ولا تعرف شي .. ادخل لتعرف الحقيقه

صراحة انت 100% معلومات وافية وكافية

خالد جبران

مزعوط مبتدء

المشاركات: 41

تاريخ التسجيل: Sep 2012

الدولة: السعودية : المدينة

2013-02-09, 01:59 PM

المشاركه #93

رد: تبي تروح مراكش لأول مره ولا تعرف شي .. ادخل لتعرف الحقيقه

شرح بسيط ويعتمد عليه .

ألف شكر ( للمفضلة مجلد مراكش ).

الحب المستحي

مزعوط جديد

المشاركات: 23

تاريخ التسجيل: Feb 2013

2013-02-13, 03:53 AM

المشاركه #94

رد: تبي تروح مراكش لأول مره ولا تعرف شي .. ادخل لتعرف الحقيقه

شكررررررررررررررا

ابو شهد

مزعوط جديد

المشاركات: 19

تاريخ التسجيل: Jun 2012

2013-02-16, 10:20 AM

المشاركه #95

رد: تبي تروح مراكش لأول مره ولا تعرف شي .. ادخل لتعرف الحقيقه

استفيد كثير من موضوعك

مغادر

مزعوط خبير

المشاركات: 1,567

تاريخ التسجيل: Jan 2012

2013-02-16, 02:21 PM

المشاركه #96

رد: تبي تروح مراكش لأول مره ولا تعرف شي .. ادخل لتعرف الحقيقه

تسلم اخي العزيز وكثر الله من امثالك .

ولد عبس

مزعوط جديد

المشاركات: 19

تاريخ التسجيل: Jan 2013

2013-02-21, 01:13 PM

المشاركه #97

رد: تبي تروح مراكش لأول مره ولا تعرف شي .. ادخل لتعرف الحقيقه

صراحة نصائح في الصميم خاصة للي أول مرة يجي مراكش يعطيك العافية أخوي

doha_vip

مزعوط نشيط

المشاركات: 73

تاريخ التسجيل: Feb 2011

2013-03-08, 05:41 PM

المشاركه #98

رد: تبي تروح مراكش لأول مره ولا تعرف شي .. ادخل لتعرف الحقيقه

شكــــــــــــــرا لك

atooch

تبي تروح مراكش لأول مره ولا تعرف شي .. ادخل لتعرف الحقيقه

المشاركات: 1,226

تاريخ التسجيل: Feb 2013

الدولة: casablanca

2013-03-08, 05:50 PM

المشاركه #99

رد: تبي تروح مراكش لأول مره ولا تعرف شي .. ادخل لتعرف الحقيقه

:Abu Ahmed (10):

ولد جدة

تبي تروح مراكش لأول مره ولا تعرف شي .. ادخل لتعرف الحقيقه

المشاركات: 2,241

تاريخ التسجيل: Feb 2013

الدولة: السعودية

2013-03-16, 09:40 PM

المشاركه #100

رد: تبي تروح مراكش لأول مره ولا تعرف شي .. ادخل لتعرف الحقيقه

نصائح من ذهب
ما عدى البخشيش مدام امورك في السليم
لا تعطيه ولا هلله
تحياتي

المواضيع المتشابهه للموضوع: تبي تروح مراكش لأول مره ولا تعرف شي .. ادخل لتعرف الحقيقه
الموضوع	آخر مشاركة
تبي تروح للفلبين او الاردن او اذربيجان ادخل	2019-10-17 01:03 AM
مطاعم مغربيه رخيصه و اكلهم طيب في مراكش ادخل وشوف	2018-03-03 08:12 PM
توي راجع من مراكش .. سرقات .. درك .. مغامرات .. ادخل للاستفاده	2014-12-17 06:43 PM
اليك 16 سبب لتعرف انك عاشق	2011-03-15 09:26 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تبي تروح مراكش لأول مره ولا تعرف شي .. ادخل لتعرف الحقيقه

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)