تبي تروح مراكش لأول مره ولا تعرف شي .. ادخل لتعرف الحقيقه

محب الكل · 2011-12-02T09:34:04+00:00

[FONT="Tahoma"][SIZE="4"][B][COLOR="Navy"][CENTER] اخواني هذي نصايح للي يبي يروح مراكش ويبي ينبسط ويكون جوه عالي ومستانس وبصرفيه اقل : ا 1- تستاجر سياره من كازا من المطار تستلمها بحدود 300درهم 2-السكن النخيل او شقق مراكش بلازا أو جنه النخيل أو قاردن ستس بس بعيده أو فله سكنيه والخيرات كثيره انت من يقررها .. 3- الاكل خل الشغاله تطبخ لكم افضل وانظف لأن المطاعم العاديه سيئه في الجوده ماعدى مطاعم 5 النجوم مثل جاد محل وتكون غاليه بس مره وحده مهيب ضاره لو تاكل منها .. 4- عليك بقليز والكفيات اللي فيها وهذي تروح لها يومياً :) 5- عليك بساحه الفنا مره وحده تكفي 6- شلالات اوريكا وستي فاطمه للتمشيه وتروح على الساعه 1الظهر وهي قريبه تقريباً ساعه وتتغدا هناك في المطاعم الشعبيه .. 7- اذهب انت والشغاله وخلها توديك الظهر لسوق السبت إذا كنت ماتدل خلها تروح معك لتشتري تويس لباني للشوي والبارتي والحركات ولحم ظازج وارخص من المرجان وفيه سوق آخر قبل محطه افريقيا وانت طالع من النخيل خش يسار وابتل سيدا بحدود 3كم وتلقاه على اليسار مجمع كبير فيه خضراوات رخيصه جداً ولاحوم ومن كل لذ وطااااب بس ناسي اسمه .. 8- خلك ذيب مع الشرطه إذا وقفتك وانت امورك بالسليم من ربط الحزام وجوك اوكيه قله خلصني بمخالفه بيقولك خلاص عطني اللي تبيه وكذا بتعطيه 50 درهم ولو ماقلتله تراه بياخذ منك اقل شي 200 درهم حتى ولو انك مخالف وقاطع اشاره لأن بياخذ 50درهم افضل من لايستفيد شي ويسجلك بمخالفه وترى سواقتهم تختلف عن سواقتنا بالخليج من ناحيه الدوارت اللي ما ادري وش تبي تخيلوا لقيط دوار بحجم كوره القدم ههههههههههه اي والله .. 9- لاتبخشش ولا تكب دراهم وانا خابر إنك رجل على قد حالك يعني منت تاجر وحتى ولو انك تاجر خلك ذيب مثل الاوربيين والله مايعطي درهم واحد إلا وهو حاسب حسابه وهو تاجر لذلك خلك ذيب ولا تصير اهبل لأن للأسف بعضنا اهبل يكب دراهم ويتحسف إذا رجع والصراحه ترى اللي قدامك وعطيته بخشيش تراه مايحسبك رجال والله يعتبرك اهبل لذلك خلك نظام اوربي واقسم بالله إن يحترمك اكثر إذا كنت حازم وجاااد .. 10- مادام إنكم أكثر من اثنين عينوا بينكم امير هو اللي يقوم وهو اللي يحاسب ويكون مضبوط لابد يكون جوه ثقيل لأن بتشوف النصب إذا جتك الفاتوره بس لو كان معكم امير مضبوط والله ماياخذون منك درهم واحد .. 11- تبي تشيش رح للديوان وبتلقا اللي تبيه كمان :) 12- تبي سوق رح للمزار وفيه كارفور وهو ارخص من المرجان وفيه مطاعم عالميه مثل فرايدز واخوانا في المنتدى تراهم ماقد جابوا سيره للسوق ابداً إلا القله وفيه محلات عالميه من ملبوسات وغيره وسينما يعني مركز متكامل .. 13- تبي حمام مغربي الخيرات كثيره بس جربت حمام في قليز حلو فوق مطعم السناك البحري 400درهم حمام + مساج وغيرها الكثير .. 14- لاتخاف وبتقول ما ادل اقسم بالله إن الشعب المغربي من ذا الناحيه توب ومثقف ويبي يوصل لك المعلومه قول لهم ابي شارع الفلاني يعني صادفت انا كذا مره والله إنهم يوقفون لي إذا كنت بالسياره ويقولون لي وقف ونتفاهم واوقف ويجلس يشرح لي ولا بعضهم يقول خلك وراي يعني في ذا الامووور الصراحه يشكرون عليها افضل من اللي عندنا وخاااصه حصل لي موقف في البحرين وسألت شخص واثاريه اللي ابغاه في طريق وهو موصف لي طريق ثاني ..! 15- تبي مطاعم فخمه سبق ذكرت لك وفيه اشياء اخرى ولكن فيه عروض شعبيه مع وجبه عشاء في علي بن فلاح يعني تجي وتتعشاء فيه وتشاهد العروض الشعبيه مع اللحم المشوي والمقبلات واكييييييييييد الزيتوووووون اللي لو تروح حلاق حطوه لك هههههههههههههههههه 16- لاتصعب على عمرك وتقول صعبه ادل لأن سواقين التكاسي اسوء طبقه في جميع المجتمعات والسواق يغثك مافيه احلى من احد يسوق فيكم وخاااصه الامير اللي معينيه انتم وهو قد المسؤليه يعني راح يبسطكم واقترح عليك الآتي للي أول مره يزور مراكش : أ- خل هناك شخص في مطار كازا يستقبلك بسياره وانت متفق معه سابقاً والشباب مهوب مقصرين معك من ناحيه كرا السيارات ولا ودي اسوي دعايه لأي شخص . ب- اتفق معه وانصح يكون معك بطاقه فيزا او ماستر كارد لكي يحجز على المبلغ للتأمين ولا ياخذ جوازك لأن الجواز راح تستفيد منه للكرا اللي بتستاجره للسكن ولكي تحفظ حقك لأن الجواز اهم من روحك :) ج- بعد ماتتفحص السياره وتدفع أسأله وين طريق مراكش بيقولك امسكه وعلى طوووول وانصح اول محطه بتجيك قبل التقاطع عب منها لأن بيجيك البنزين وهو مافيه ولا اللي بيبل ريقه فااااضي ههههههههههه د- اجعل القارمن هو دليلك في الطريق لأنه هو اللي بتضمنه بعد الله بس كان اللي معي بعض الشوارع مهيب موجوده هـ - قبل لا تسافر وهذا اللي حصل معي افتح هذا الرابط واعرف كل شي من اسماء الشوارع ومن السكن اللي بتسكنه ومن اهم المناطق اللي بتروح لها [URL="https://www.worldmapfinder.com/GoogleMaps/Ar_Aica_Morocco_Marrakech.html"]https://www.worldmapfinder.com/GoogleMaps/Ar_Aica_Morocco_Marrakech.html[/URL] و - مراكش سهله ولا تروح بعيد في أول يومين يعني اعرف سكنك وبعدين اعرف اهم شارعين محمد السادس واللي فيه من اماكن تبي تروح لها والشارع الثاني محمد الخامس اللي فيه قليز وامتداده ساحه الفنا ولا انسى شارع اللي عقدني مع " مراكشي " الله يذكره بالخير وهو عبدالكريم الخطابي فقط .. ز- اعرف هؤلاء الشوارع وصدقني راح تريد مبتغاك من ناحيه السواح وافضل المناطق وبعدها لف في مراكش على كيفك بس انتبه تضيع لأن مراكش عمايرهم كلها بني يعني لا تقول قد جيت ذا الشارع العماير متشابهه والقارمن اسنده معك .. 17- لابد من عمل برنامج قبل لا توصل وين بتروح ووش بتسوي في أول يومين لأن مراكش تختلف عن اغادير من ناحيه التنظيم .. 18- مادام إنك في سياحه فالصراحه انا خاويت واحد بريطاني وكان شخص محترم واعجبه وضعنا وبرنامجنا وجلس معنا وعزمنا في مطعم غالي جدا في فندق السعدي وفي حسب البروتوكول الأوربي والغربي عااامه واللي اعرفه انا من ناحيه عملي وسفري والله ما يدفع لك ولا درهم واحد بس هذا كان غير البريطانيين ولهذا خاويته لأنهم بعضهم استغلاليين وانا خابرهم زين وخاوينا وحده اسبانيه بس مو انا اللي معي وكانت جايه مثلنا تبي تنبسط بعيداً عن جو الاوربيين وكانت تفكنا من الدرك اي والله إذا كانت بسيارتنا او سيارتها وخاوينا مغاربه وكانوا من حسن ضيافتهم تخليك تشكرهم غصب بس نصيحه تذوق هذا الفن وراح تنبسط 19 - هذا عمل اجتهادي مني للي بيسافر مراكش فقط واللي يبي يضيف لإطراء الموضوع بنكون له من الشاكرين .. آتمنى إني وفقت في عمل هذه النصايح والبرنامج المتكامل لرحله مراكش الحمراء لأن مراكش تختلف عن اغادير في البرنامج السياحي أنا عطيتكم الاشياء المهمه وفي جعبتي الكثير ولكن لوقت آخر بأذن الله /[/CENTER][/COLOR][/B][/SIZE][/FONT]،

abo rayan

مزعوط مبتدء

المشاركات: 38

تاريخ التسجيل: Apr 2011

2012-02-16, 03:17 AM

المشاركه #51

رد: تبي تروح مراكش لأول مره ولا تعرف شي .. ادخل لتعرف الحقيقه

ممتاز كلام كبير تسلم

joooco

مزعوط جديد

المشاركات: 3

تاريخ التسجيل: Feb 2012

2012-02-16, 10:25 PM

المشاركه #52

رد: تبي تروح مراكش لأول مره ولا تعرف شي .. ادخل لتعرف الحقيقه

يالبيه يامراكش
كل يوم اصحى الصبح الساعه 10 واروح للكوفي واجلس اقل شي ساعه وابدأ المشي ما اخلي مكان لين المغرب ويبدا الجو الثاني
والله مايحتاج الواحد يكري سياره
افضل شي للسكن الواحد يشوف له شقه بشارع محمد السادس لانها منطقه حلوه
وبالنسبه للسفر لمراكش من كازا يمدحون القطار كلها 3 ساعات
والله مانحتاج للسياره
ومشكور

بهجاوي

مزعوط جديد

المشاركات: 6

تاريخ التسجيل: Jan 2011

2012-02-17, 02:17 AM

المشاركه #53

رد: تبي تروح مراكش لأول مره ولا تعرف شي .. ادخل لتعرف الحقيقه

اخي العزيز والله كلامك من ذهب والبرنامج هذا انا ماشي عليه من اول مانزلت مراكش يعني قبل خمسه سنوات وارتحت جدا فيها وياريت الاخوان يتبعون نفس الاسلوب
وبالنسبه لكرا السياره اذا كنتم مجموعه يعني اكثر من شخصين

ساحر

مزعوط مبتدء

المشاركات: 33

تاريخ التسجيل: Jan 2012

2012-02-17, 02:46 PM

المشاركه #54

رد: تبي تروح مراكش لأول مره ولا تعرف شي .. ادخل لتعرف الحقيقه

نصائح مفيدة ومختصرة
اشكرك اخوي وضحت لي كثير من الامور

أبو منصور

مزعوط جديد

المشاركات: 10

تاريخ التسجيل: Jan 2012

2012-02-19, 10:41 AM

المشاركه #55

رد: تبي تروح مراكش لأول مره ولا تعرف شي .. ادخل لتعرف الحقيقه

شكراً على المعلومات

MSTREE7

مزعوط جديد

المشاركات: 5

تاريخ التسجيل: Jun 2011

2012-02-19, 10:50 PM

المشاركه #56

رد: تبي تروح مراكش لأول مره ولا تعرف شي .. ادخل لتعرف الحقيقه

يعطيك الصحه على المعلومات المفيده

زعيم

مزعوط مبتدء

المشاركات: 31

تاريخ التسجيل: Feb 2012

2012-02-21, 04:13 AM

المشاركه #57

رد: تبي تروح مراكش لأول مره ولا تعرف شي .. ادخل لتعرف الحقيقه

تكفى ياااااذيب الرحله ماعاد باقي عليها شي

ابغى فزعتك حنا ثلاثه واول مره نرووح

يعني بالعربي شف لك دبره واتواصل معاي

a_h_m_01

مزعوط جديد

المشاركات: 3

تاريخ التسجيل: Feb 2012

الدولة: الرياض

2012-02-21, 02:10 PM

المشاركه #58

رد: تبي تروح مراكش لأول مره ولا تعرف شي .. ادخل لتعرف الحقيقه

يعطيك العافيه

ابوكازا

مزعوط نشيط

المشاركات: 88

تاريخ التسجيل: Feb 2012

2012-02-24, 01:13 AM

المشاركه #59

رد: تبي تروح مراكش لأول مره ولا تعرف شي .. ادخل لتعرف الحقيقه

بارك اللة فيك رائع

هاوي

مزعوط نشيط

المشاركات: 59

تاريخ التسجيل: Jan 2011

2012-02-25, 12:40 PM

المشاركه #60

رد: تبي تروح مراكش لأول مره ولا تعرف شي .. ادخل لتعرف الحقيقه

روووووووووووعة منك والله رووووووعة واحد مثلي اول مرة يروح مراكش محتاج هذي النصائح

المواضيع المتشابهه للموضوع: تبي تروح مراكش لأول مره ولا تعرف شي .. ادخل لتعرف الحقيقه
الموضوع	آخر مشاركة
تبي تروح للفلبين او الاردن او اذربيجان ادخل	2019-10-17 01:03 AM
مطاعم مغربيه رخيصه و اكلهم طيب في مراكش ادخل وشوف	2018-03-03 08:12 PM
توي راجع من مراكش .. سرقات .. درك .. مغامرات .. ادخل للاستفاده	2014-12-17 06:43 PM
اليك 16 سبب لتعرف انك عاشق	2011-03-15 09:26 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تبي تروح مراكش لأول مره ولا تعرف شي .. ادخل لتعرف الحقيقه

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)