اقفيت عنہ ،، والتفت لي على هون
نادى ولكن خاطري ،،، ما التفت له

جيتہ وانا مطعون واقفيت مطعون
فينيَ سوالف وَش كثر ما نحكت له""”

الليـله خـاطـري بـ لحـيل ضـايق
تحـدني الضٌيقـه القـشرا وعـديها
من اول الليل اجامل ماني برايق
يالله دخيلك من الضيقه وطاريها.

ما أحلا من الذكرئ سوى أني ابيك
وما أحلا من الكلمه سوى معسولها

أهـواك احبـك اعشقـك أمـوت فيـك
شف وش هي اللي تعجبك وأقولها

عن قناعة طايعٍ ربي ماني بمطوّع
لو ذنوبي واجـدة .. مثنيّة و مربوعه

والحياه " قروب " وظروف زمان تروّع
وكل يوم نشوف واحد غادر المجموعه

جيّتك تجمع العيدين في عيد
كن قلبي يعايد رمش عيني

واعديني ،، انا احب المواعيد
حتى لو توعدين و ما تجيني

شعري بـ قافيْتك وبـ اوزانك
ما للقصايد طعم من دونك

ان قلت لي صح الله لسانك
بقول لك "صح الله عيونك

لو غنّت الفرقا على لحن النصيب
ما سارت اقدامي على سكة جفاك

معك معك لو انك لـ غيري حبيب
قدامك دروب القدر وانا وراك

( حبيبتي ) ، قلبك بلا عذر معذور
اعرف ويش اللي فـ خاطرك وادري

ولله ما اذكر يجي منك " قصور "
( الا القصور ) اللي بنيتي فـ صدري

حتى و أنا مملي عتاب و حسافه
أحاول أرسم في محيّاك .. بسمه

وإذا تشوف الحـب كذب و خرافه
اللي على شانك أسوّيه شسمه ؟!

اللي مـا يـراعـي خـاطـرك لا تراعيه

كلها أيام ، وسنين ، وتخلص حياتك

مافي أحد يسوى من راحتك تعطيه

دامه تغير ( تغير أنت ) وكمل حياتك