انت تدري من أفعالك وش حصل
مإت ورد ومإت قلب ومإت حس

أنت ! يا إنك .. تبي قطع : الوصل
أو إنـك : في .. الحقيقه مإ تحس

بوحي
الى متى يالزمان الشين!
كلما اقبل الحظ تقفي به!
كني وكنك على (دينين)!
والا كما الشرق ومغيبه !

انا الكبير بعين من يعرف الناس
وانا الصغير بعين من يحتقرهم

تدري وش الافلاس ياقيل الافلاس
اللي عرف له طيبين وخسرهم

لا يخدعك وجه الشبه بين الثنين

ركز على عمق الأمور و صلبها

رغم التشابه في يسارك و اليمين

يسراك تغسلها .. و لا تاكل ابها

لا تلومني لا بديت تشوف تقصيري

اهملت وصلي،،،،،ولا قدمت تبريرك

مادامك تشوفني مثلي،،،مثل غيري

وشلون،،،،،تبغاني اميزك عن غيرك

مصيبة عزيز النفس دايم من الكتمان

يكن الوجع مايبغي النـاس تشعر به

ينوح الغريب ويشتكي غربة الاوطآن

لكن غربة المجروح هي والله الغربه

لا تنتظر من ناقص العقـل حكمه

ولاتنتظر من فاقد المرجله خيـر

ولا يغرك في الردي لمعة اسمـه

الريش ماطير نعامه وهي طيـر

لاتستحي مني لياشفت بي عيب

وتروح تحكي بي مع اللي حكابي

اللي منعك تقدم النصح بالطيب

يمنعك من هرج القفا في غيابي!!!

الهجر والغدر والمشروه والصده

أربع تبيح الخوافي من كناينها

والخط والبعد والحاجات والشده

منها نعرف أخويانا من معادنها

وشلون وانت لفرح عمري وروحي غذا

تأخذك الايام من يدّي وعيني تشوف

ماهوب من حقّها تأخذك مني / لِذا..!!

الله يسامحك .. والله لايبيح الظروف