سجل حظورك بأبيات من الشعر

تقولي ااه ياحنيني وتسألي ...
تقولي مرتاح وقول مرتاح

اجاملك ولا الله اعلم بحالي ..
في خاطري كسره وفي صدري رماح..

والقلب عزالله ماهوب بخالي..
اصد اخاف تشوف دمعي اليا طاح ..

واضحك وقول اني من الهم سالي
ذي عاده العاشق لو يموت ماباح ..

السر دين وراعي السر غالي..
في غيبتك تدري وش اعد الارباح

الارباح ضيقة خاطري وانشغالي
الصبرمفتاح الفرج وانت مفتاح

همي وغمي والسهر وانفعالي
تغيرت نفسيتي والصبر زاح

وحتى طبوعي صار فيها بدالي
ماعادني راعي سوالف ومزاح

ولا عادني صدري مثل اول شمالي
قد لي زمان مضيع درب الافراح

مدري وراي الدرب ولا قبالي
وين انت ياللي كنت للجرح جراح

يامكسبي في العمر ياراس مالي
اطريك واصفق على كل ماراح

صفقة حزين غربتله الليالي
مغير اجر من الطواريق لافاح

صدري عليك من الحزن واستوى لي
بحر الشعر خضته ونا فيه سباح

شاعر ولا يصلح لي الا الجزالي
تكتبلي همومي على بيض الالواح

وانحت نتايجها بصم الجبالي
الهم مبدع شعر والقلب مسباح

اكتبه ويصفقلي اللي قرالي
ومن دون لا اخذ معك لفه ومشواح

اهديتك اخر بيت لانه مثالي..!!

من طاح من عيني نسيته اليا طاح
الا انت ..ماطحت وعادك اليوم غالي..!!

عادت القلوب في الحب سماح
وانا ما خطيت في حبك ولا عديتك

ان قلت عني الغلى بالليل والصباح
اقول لا عشت ولا كنت ان خطيتك

ترا الموده في دربك مغني صداح
وتراني ان جفيتك انساني وما انساك

اقول المشاعر عيشه بصراخ وصياح
والفرحة تجيني ان بحرفي جيتك

يا عاشق الفجر ترا الدنيا مد وجزر
ترا الحب صبر لا بتكسير ان جنيتك

ان قلت في طبعك قاسي في حبك
قلي . .قسوتي تصير حنان بحضنك

وان قلت في وصفك وردا بشوك
قلي ترا الشوك ينزاح لين برتاح جسدك

با عاشق. .ترا حب النساء حربا بكفاح
ناقصات عقل . .وبحياتي ان جيتني افديك

بقلمي. . .انوثة حالمة

تقول عادت القلوب .....

يامن قسى قلبك على قلب غاليك
مادامني الجارح انا الي بدوايك

لا تحسب ان الجرح مقصود ياذيك
ماعاش قلب حبك اليوم يدنيك

وحق الله مانبي بناسيك
لو قامت الساعه بناظر واحاتيك

مهما تباعد حبنا بالخير بطريك
وان طال صدك ظل قلبي يناديك

واني جيتني يصيح قلبي انا ابغيك
وارخي لمدك كل حبي شواطيك

اكذب على روحي اذا قلت ناسيك
انسى حياتي بس مانيب ناسيك

في ذمتي ان كنت زعلان برضيك
واقول لك امر يابعد مغليك

ولو تبي قربي والله لاجيك
واقول لك ياجعلني في يوم مابكيك

مهما غلطت انت المسامح شراويك
الطيب ساسك والوفاء من طباعيك

انظر قرارك وقلبي اليوم يرجيك
داعي عظيم الشان للقلب يبقيك

انا قضاي اموت واحيا واندفن فيك
واظل اذكر ماضي الوقت وابكيك

ان مر طيفي في خيالك وطاريك
اذكر سوابق ايامك ولياليك

احترت انا في خاطري ويش اهديك
لقيت قلب باع دنياه وشاريك

اخر كلامي ياعسى الاقي فيك
مكان للانسان اصبح مولع فيك

ان جيتني وان رحت ماني بناسيك
منك الحكم نرضاه لو كان يرضيك

في كل الاحوال داعي لك وبطريك
واقول لك ربي عسى الله يخليك

اختم كلامي ابغيك وابغيك وابغيك
لا يدفن القلب الذي بالحيل يغليك

.

...


‏الصدمه : اللي تسمى بالفعل صدمه
ركز معي و افھم المقصود من بدري

تقدم الطيب و الإخلااص و الحشمه
ورفيق عمرك يسبك و أنت مَ .. تدري

__________________
.


الوقت الذي تستمتع باضاعته ، ليس وقتا ضائعا

نظمت. . فاجدت. . وعبرت . .فابدعت. .فطربت . .ورقصت. .وببسمة الشفاه ارد

فديتك يا ساكن الهدب

جفن عيني اسهرني طول الليل...وشغل فكري واتعب مزاجه...انت نعيم قلبي وانت همه واحساسه...وانت امره ولك السمع والطاعه...ماعاش اللي يزعل الزين... والي يزعله قاسي القلب واحساسه...هذا رقيق العود وﻻ تجرح احساسه...وبمداعبه اﻻعبه بلطف ولين...وصبرت عليه ايام وشهوروسنين... وجمعنا ربي فيه اليوم واخذته بحضني وسليته

اقولك فرقـا اللـي يسبـك لـيـا راح
وبعـدٍ عـن الــداب ومــلاذه وسـمـه

وياما اصعب الغبـه علـى كـل سبـاح
اليـا ارتفـع مـوج البحـر فـوق جـمـه

اخـذت مـن بـعـض المعـانـي تلـمـاح
والعـود يشرونـه علـى شـان شـمـه

فديتك يا الغلا
وجيتك على رموش الهوى
مؤجر الهدب بيصير مالك
وان سكن ما يجي محله ساكن
فجرك بعيد ينور دروبك
عاهدك عهود الوفا جيته او ما جيته
طلبت الوداد من قلب ما نساك
ودقيت الباب وانت صاحب الدار
لا تقول عني في هواك جفيتك
وقول بعض الدلال من حبيبك
مالك المكان لا يسأل اسكان
ادخل بامان ولك مني الامتنان

تقولي فديتك وانا اقول افداك
ان جيتي على رموش الهوى
جيتك اسرع من الطيف ..

صافي النوايا .. والعذر وياي ..

صوبك خذتني .. لهفة الخاطر ..
ما أمهلتني .. أنتظر باكر ..
احكم على ما تشتهي وآمر ..
الأمر بيدك سيدي والراي ...

..

نكتب شعر مدري على شان نشتاق
ولا نخفف من مواجع قديمه

اصعب شعوران جيت تكتب عن فراق
دمعك حبر واوراق حبك يتيمه

مسااااااااااء الانوار

__________________
ياراعي الغر العذاب المباهيش
رش الكبود اليابسه من عطشهااااا
دنق علي وطمن الراس بشويش
واحي العروق الذابله وانتعشهااااااا