سجل حظورك بأبيات من الشعر

ردى الأصل لو شفته صفالك

ترى الأنذال عشرتها مصايب

ولو تعطيه من غالي حلالك

ترى الخايب على ما قيل خايب

اذا صارت له الحاجة عنالك

ولو تحتاجه انته صار غايب

ويضحك لك وهو قاعد قبالك

ولا من صد في امره غرايب

ويحلف لك يمين انه صفالك

وهو عن مشيته ما هو بتايب

وراعي العيب لو هو من عيالك

ولو هو من جماعة او قرايب

تراك برفقته اتعبت حالك

فقله رح يعلك للذهايب

فاحذر يا فتى واعرف رجالك

من اللي ما تزعزعها النوايب

يعلو بين خلق الله جلالك

ومن عاداك وروه العقايب ....


علي بن محمد القحطاني



..

ترانيم المسا ....

تدري متى تعرف قدري وتفقدنــي ؟

لاارخصــت نفســك لشخــص مايراعيها

بكره لاهملوووك الناس تذكرنـــي

وتقووول عزااااااه عيني من يداريهــا ؟

مدام غيــري على قلبك ( مشاركنــــــي )

وش هو له أعلق الآمــــــــال وابنيهـــا

يكفينــي انك رحلت ومنت عايفنــي

هذا عز النفس من كثرة بلاويهـــا

اهديتــك دموووع من طعنتك تحرقنــي

وانت اللي تستاهل الدنيــا ومافيها

واهديتنـــي جرح موجعنــــــي وعاجبنــــــي

لأن الهدايــــــا على مقدار راعيهــــــا

صحيـــــح انتهينــا بس صدقنــي

والله أنــك تبقى هوى رووحي وغاليهـــــــا

مفضوووح راعــي الهيااام ونظرتــه تغنــي

ملامحـه واضحه في وجـه راعيها

لكل داء دواء لو هو متعبنـــــــــي

الا محبتــك عيت من يداويهـــا

ان قلت علمني انســـــــى ؟ لاتعلمنــي

دنيــاي لامن نسيتــك وش تاليهـــــــا ؟

فارقتني وضحكتك عيت تفارقنــي

الله يلعن الفرقـــــا وطاريها

مقــــــدر افكر بغيرك وانت عارفني

عشان حاجه بقلبي مقدر اخفيها

اخــــاف لاحبني غيرك وعاشرني

يشوووووف صورتك في عيني ويوحيهــا

نشـدت عنك وسمعت اللي يفرحنــي

ويرتاح صدري من هموم يحاتيهــــــا

تبي تعرف وش على الفرقــــــا مصبرني ؟؟

انك بخيــــــــــر وحياتك متهنـــــــي فيها

حب لي خشم الفراق وحبّ عينه
يوم بيّـن ، ما تخبّيه ..الضماير

ليت بعض إلنّاس :يكتَب في جبينه
لا تحبّونه تراه انساان بايـر!!

ثنتين ترخص مقام الرجل وتذله
إلياترك واجبه وليا ضعف دينه

وثنتين تغليه بين المجتــمع كلـــه
الرفقـه الطيبه والكلمه الزينه

الله يعينك يا المواطن وينجيك
مع المطر شفت الحرامي مجاهر

تطيح في حفره ما احد يلتفت فيك
تطلع من الحفره .. يصورك ساهر

لا صار خـلـّـك مستحق المسـبـّــة *** سبـّــه ترى العشــاق غيرك يسبــّــون

لا آبوه لا آبو الحب من قلب سبـّه *** لا آبو الغرام اللي يحدّك على الهــــون

يا لعن أبو قلب غشيم يحـــبـــّــه *** ملعــون والقلب اللي يغـليه ملعــــــون

أقول من هبـّــاك يا خبل هبـّـــــه *** الدون ما يســلك معــاهم سوى الدون

عزّ الجفا ولا هـــوان المحـــــبة *** مآخوذ من يصـــبر على الذل مغـبــون

أظهر قواة البـأس والضعف خبـّــه *** ترى الضعيف ضعـــيف لا طعـــم لا لون

الرأس ما أحــد يقطــعه غير ربـّــه *** أقول عزّ النــفــس ما أقول لك هـــــون

خلـّــه يولـّــي لا يذلـّــك بحبـّـــــه *** أبعـــد وتلــقــــاهم على البعـــد يدنـــون

وإلا أنت لو ترقـــد وبالعين شبـّــة *** أبرك من الـلــي يجرحــونك ويســـــلون

يا جــاهل إفهـــم خذ من العلم لبـّــة *** إصــبر وتـنــســـى والعذارى ينــســّــون

الرجل عـقــله دائماً قــبل قـــلبــــــه *** مـاهو عمــى بالقلب ومفــتـّــح عيـــــون

لا قدّمــوا حبـّــة تقدمت حبـّـــة *** وإن وخـّـروا وخرت والعــز مضمــون

ترى غلا هالوقت هبـّـة وهبـّـة *** إغـنم هبـــوب الريــح لا تقلــب سكـــون

لا ساعدك حظـّـك تغـانم مهبـّـه *** لا تـرتهـــي يـجـيــــك يوم ويــصـــــدّون

قبل يذبـّــك ناب الأرداف ذبـّــه *** ترى حلاة الرجـــــل طـــاعن ومـــطـعون

كم عاشق خلـّـوه من غير سبـّـه *** يصفق بكــف كف ما يــدري وشـــــلون

ما له جدى يا كــود دمع يكبـّــه *** عليه سيف الهــجــــر والصــد مسنــون

هـــذا مـن أول يـــوم لو دلّ دربــــه *** ما دشّ في دنيـــا المجــانين مجــنون

لـكـن تـبـــع قـلبـه وقـلبــه لعـب بـه *** واليوم يبــغى عون ما حصـّـل العــون

روّض فؤادك يا إبن الأجـواد ربـّـه *** البيض ما يصــلح لهــن كـود فرعـون

وإلا ضعـــيف النفس دايم مسبـــّـة *** ودّك مســـاكين البشــــــر ما يحبـّـــون

درب النقـاصـه يــا سـعــد مـــا نـدلــه
وماني على سـب الرياجيـل شفقـان
لا تحسـب ان صمتـي رضـاء بالمذلـه
لكن اصـون النفـس عـن كـل نقصـان
نطـح الجبـل مـا زحزحـه عــن محـلـه
راسـه رفيـع(ن) ثابـت طــول الازمــان
لـكــن كـثــر الـــدق يـــا خــــوك عــلــه
يكسر صليب العظم ويثيـر الاحـزان
وان كــان جــاك مـــن المـعـاديـن زلـــه
فـاردع زللهم فـي نحـر كــل شيـطـان
مارضاء الخطاء والعيب ماني اشله
واحـيـد عــن درب الخطـيـه ولـــو زان

والله لاخلي عزتك تحت ماطاي
***
تمشي وعينك ما تعدا مواطيك
***
ابيك درس لكل خاين ونساي
***
وافهمك قدرك وقيمة مباديك
***
والله لاهينك لين تبكي تبي رضاي
***
ذليلي تستغفر الله عين منهو يراعيك
***

الدم يفرق .. و " المواقف دلايل"
والفرق مابين الخلايق بـ الانساب
عرب عيالك من " بطون الاصايل "
طيب الفتى من طيب خاله ليا طاب

تعيـش بخيـر وتـريـح الــراس
لا لا تـخـلـي أكـثــر الـنــاس هـمــك


خلك عديـم إحسـاس قـدام الأجنـاس
لاحـدن يهمـك غـيـر والــدك وأمــك


والصاحب المطنوخ مكسب ونوماس
وأخيـك مـن شاركـك هـمـك وغـمـك


يفزغ معـك لاصـار فالبـال وسـواس
ولاحـدتــك ســـود اللـيـالـي يـلـمــك


وأحـذر مـن الغـدار ياطيـب السـاس
الـلـي لـيـا جــات المـواقـف يسـمـك


الناس يابن الناس تفرق عن الناس
تــرا الــردي يــم النجـاسـه يـخـمـك


تـرى الـردي خوتـه ماترفـع الـراس
بــحــذرك خــوتــه حــــذرا تـعـمــك


والناس فيها أنواع وأشكال وأجناس
ولـنــت خـــاو كـــل طـيــب يـهـمـك


هــذا كـلامــي ولاتـفـكـر وتـحـتـاس
وأفهـم مـرادي وخـل الابيـات يـمـك


قلتـه قبـل لايضـرب براسـك الفـاس
وإن كـان طـاح الفـاس بيثـور دمـك