راجع من الروز قاردن قبل كم يوم

mak90 · 2016-12-05T13:57:07+00:00

هلا بالمزاعيط...ابشركم توي جاي من المغرب قبل كم يوم وتحديداً الروز قاردن وراح اكتب كل شي شفته وان شاء الله مانسى شي..المهم اول شي احب اتوجه بالشكر للأخ ابو ادم على اخلاقه الراقية في التعامل واسلوبه اللبق وهذا ماعهدناه منه ولا انسى الأخت سلمى ذو الأخلاق العالية واللي تحاول تخدم باللي تقدر عليه وفقها الله...والحين نجي للروز واللي شفته بالروز...طبعاً نظامه تغير الخيمة اللي جنب المسبح صارت فله وماصار فيه حلاق اظن لاني اذكر ان كان فيه حلاق...وابشركم الاثاث تغير وتجدد بالنسبة للفله اللي عطونا يعني مو جديد جديد بس افضل من لمن نزلت فيه قبل 8 شهور كان الاثاث سيء وقديم ومتكسر...عموماً ان كل شي كان تمام بس عتبي عليهم في شي واحد اللي هو الهاوس كيبنق والله اني ادق عليهم من العصر ويجوني اخر الليل ويمكن جوني بس مرتين والايام الباقي انا وخويي ننظف الفله بانفسنا...وايضاً اللي زعلني شي مره ماتوقعته اللي هو اتهموني بحرق في الكنبة اللي بالصالة وانا على يقين كااامل وتام بأني ماحرقت وان الحرق كان موجود من اول ودفعوني مبلغ وقدره بشي انا مالي ذنب فيه!!! طبعاً انا كنت غلطان يوم وصلت وقعت على الورقة ومارحت اشيك على الفله وهذا من باب الثقه اني واثق فيهم لأن اخر مره نزلت عندهم ماصار الا كل خير بس الواحد يتعلم من غلطه والمصيبه ان الأخ خالد يقولي روح تفاهم مع الهاوس كيبنق هم اللي يشيكون بالفله ورحت اتفاهم مع اثنين هناك اظن وحده اسمها اسماء واتكلم معهم وطال النقاش ومافي اي فايده وماكنت ابغى اكلم ابو ادم لأن الرجل هذا جمايله مغرقتنا والوقت كان متأخر والمصيبه ان يوم اقول لهم بكلمه يقولون عااادي كلمه براحتك راح تدفع يعني راح تدفع هههه شي غريب قلت حسبي الله عليكم ونعم الوكيل المهم يامزاعيط اذا جا احد فيكم يستلم الفله يشيك عليها زين ويسجل كل شي بالورقه...وصار فيه نايت كلوب اسمه ديابلو طبعاً الكلوب روعه ودي جي سبايدر والغريب مشعللينه بقوووه...على الأيام الجميله اللي قضيتها هناك بس اذا فكرت ارجع للروز صراحة راح اكون في قلق اني اذا جيت اطلع راح يتهموني بأي مصيبه وادفع شي مالي ذنب فيه!!! مع اني كنت ادافع عن الروز من الناحية ذي يوم كنت اشوف المزاعيط يتشكون من سالفة الاتهامات الباطلة ولكني ايقنت الأن يوم انحطيت بنفس الموقف!!! وهذي كل الحكاية...ياترى هل ستكون نهاية الايام الجميلة مع الروز؟؟!! الله اعلم!!!

FAHAD__SA

مزعوط مميز

المشاركات: 386

تاريخ التسجيل: Mar 2011

2016-12-06, 09:40 AM

المشاركه #1

اي جمايل تتكلم عنها !

سكنك ببلاش ؟

ما ذبحنا الاطيبتنا الزايدة وليتها مع اللي يستاهلون .

mak90

مزعوط قدير

المشاركات: 218

تاريخ التسجيل: Jan 2016

2016-12-06, 10:39 AM

المشاركه #2

اقتباس:

المشاركة الأصلية كتبت بواسطة FAHAD__SA

اي جمايل تتكلم عنها !

سكنك ببلاش ؟

ما ذبحنا الاطيبتنا الزايدة وليتها مع اللي يستاهلون .

مو مسألة كذا اخي الكريم ولكن وضحت الجميل بردي على الأخ اللي فوق....وبخصوص الجميل ترا الكلمة الطيبة والتعامل المحترم والاستجابة السريعة لطلباتك انا اشوف انها بعد جميل بغض النظر اني دافع او لا الجمايل مو بالفلوس بس الجمايل بالأفعال الطيبة والكلمة الطيبة بعد!!!

FAHAD__SA

مزعوط مميز

المشاركات: 386

تاريخ التسجيل: Mar 2011

2016-12-06, 01:33 PM

المشاركه #3

اقتباس:

المشاركة الأصلية كتبت بواسطة mak90

الجمايل ما يعرفونها الا اهل الجزيرة العربية

شكرا على رحابة صدرك اتمنى لك التوفيق

mak90

مزعوط قدير

المشاركات: 218

تاريخ التسجيل: Jan 2016

2016-12-06, 03:00 PM

المشاركه #4

اقتباس:

المشاركة الأصلية كتبت بواسطة FAHAD__SA

الجمايل ما يعرفونها الا اهل الجزيرة العربية

شكرا على رحابة صدرك اتمنى لك التوفيق

مادري وش تقصد ان حنا مو من الجزيرة العربية وانت اللي لحالك منها ولا شلون؟؟!! هههههههه....بس على العموم العفو وحياك الله اخوي وبالتوفيق

ابو الزوز

مزعوط فضي

المشاركات: 792

تاريخ التسجيل: Sep 2014

2016-12-06, 03:07 PM

المشاركه #5

اقتباس:

المشاركة الأصلية كتبت بواسطة FAHAD__SA

الجمايل ما يعرفونها الا اهل الجزيرة العربية

شكرا على رحابة صدرك اتمنى لك التوفيق

اسمحلي اخالفك
بكل بلد فيه الردي والجيد ...

ياما شفنا اشخاص بالمغرب وغيرها رجال واصحاب معروف لا ينسى
وراعين جميل

لك ودي

mak90

مزعوط قدير

المشاركات: 218

تاريخ التسجيل: Jan 2016

2016-12-06, 03:27 PM

المشاركه #6

اقتباس:

المشاركة الأصلية كتبت بواسطة ابو الزوز

كلامك عين العقل....بارك الله فيك

المواضيع المتشابهه للموضوع: راجع من الروز قاردن قبل كم يوم
الموضوع	آخر مشاركة
الروز قاردن	2018-04-08 04:39 AM
الروز قاردن	2017-03-31 06:27 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

راجع من الروز قاردن قبل كم يوم

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)