تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

راجع من الروز قاردن قبل كم يوم

mak90 · 2016-12-05T13:57:07+00:00

هلا بالمزاعيط...ابشركم توي جاي من المغرب قبل كم يوم وتحديداً الروز قاردن وراح اكتب كل شي شفته وان شاء الله مانسى شي..المهم اول شي احب اتوجه بالشكر للأخ ابو ادم على اخلاقه الراقية في التعامل واسلوبه اللبق وهذا ماعهدناه منه ولا انسى الأخت سلمى ذو الأخلاق العالية واللي تحاول تخدم باللي تقدر عليه وفقها الله...والحين نجي للروز واللي شفته بالروز...طبعاً نظامه تغير الخيمة اللي جنب المسبح صارت فله وماصار فيه حلاق اظن لاني اذكر ان كان فيه حلاق...وابشركم الاثاث تغير وتجدد بالنسبة للفله اللي عطونا يعني مو جديد جديد بس افضل من لمن نزلت فيه قبل 8 شهور كان الاثاث سيء وقديم ومتكسر...عموماً ان كل شي كان تمام بس عتبي عليهم في شي واحد اللي هو الهاوس كيبنق والله اني ادق عليهم من العصر ويجوني اخر الليل ويمكن جوني بس مرتين والايام الباقي انا وخويي ننظف الفله بانفسنا...وايضاً اللي زعلني شي مره ماتوقعته اللي هو اتهموني بحرق في الكنبة اللي بالصالة وانا على يقين كااامل وتام بأني ماحرقت وان الحرق كان موجود من اول ودفعوني مبلغ وقدره بشي انا مالي ذنب فيه!!! طبعاً انا كنت غلطان يوم وصلت وقعت على الورقة ومارحت اشيك على الفله وهذا من باب الثقه اني واثق فيهم لأن اخر مره نزلت عندهم ماصار الا كل خير بس الواحد يتعلم من غلطه والمصيبه ان الأخ خالد يقولي روح تفاهم مع الهاوس كيبنق هم اللي يشيكون بالفله ورحت اتفاهم مع اثنين هناك اظن وحده اسمها اسماء واتكلم معهم وطال النقاش ومافي اي فايده وماكنت ابغى اكلم ابو ادم لأن الرجل هذا جمايله مغرقتنا والوقت كان متأخر والمصيبه ان يوم اقول لهم بكلمه يقولون عااادي كلمه براحتك راح تدفع يعني راح تدفع هههه شي غريب قلت حسبي الله عليكم ونعم الوكيل المهم يامزاعيط اذا جا احد فيكم يستلم الفله يشيك عليها زين ويسجل كل شي بالورقه...وصار فيه نايت كلوب اسمه ديابلو طبعاً الكلوب روعه ودي جي سبايدر والغريب مشعللينه بقوووه...على الأيام الجميله اللي قضيتها هناك بس اذا فكرت ارجع للروز صراحة راح اكون في قلق اني اذا جيت اطلع راح يتهموني بأي مصيبه وادفع شي مالي ذنب فيه!!! مع اني كنت ادافع عن الروز من الناحية ذي يوم كنت اشوف المزاعيط يتشكون من سالفة الاتهامات الباطلة ولكني ايقنت الأن يوم انحطيت بنفس الموقف!!! وهذي كل الحكاية...ياترى هل ستكون نهاية الايام الجميلة مع الروز؟؟!! الله اعلم!!!

منساب

مزعوط فضي

المشاركات: 881

تاريخ التسجيل: Dec 2016

2016-12-16, 03:51 AM

المشاركه #1

معوض خير والحمد الله ع سلامتك
بالنسبه لجواز السفر اكثر الفنادق والمنتجعات ياخذونه منك ويحطونه في صندوق الامانات اشوف انها طريقه زينه شينه
زينه انك ماتشيله معك ويضيع لاقدر الله
شينه لو حصل عليك موقف ومامعك اثبات تقروش الافضل تاخذ صوره من الجواز او تصوره بجوالك
الفنادق والمنتجعات لهم هدف من حطت الجواز عندهم لانك لو سويت طعه يجبونك ع طول
شكراً ع طرح تجربتك ..

mak90

مزعوط قدير

المشاركات: 218

تاريخ التسجيل: Jan 2016

2016-12-20, 05:49 AM

المشاركه #2

اقتباس:

المشاركة الأصلية كتبت بواسطة M 2 j e D

اهلاً وسهلاً اخي الكريم والله يسلمك

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: راجع من الروز قاردن قبل كم يوم
الموضوع	آخر مشاركة
الروز قاردن	2018-04-08 04:39 AM
الروز قاردن	2017-03-31 06:27 AM

الساعة الآن 08:49 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

راجع من الروز قاردن قبل كم يوم

روابط سريعه