الخطوط السعوديه افضل توقيت وصول ومغادرة من المغرب

DarkMoon · 2023-07-12T19:00:43+00:00

سلام عليكم موضوع مواعيد الوصول الى مطارات المغرب موضوع صراحه محير جدا بكل صراحه سافرت على جميع شركات الطيران الخليجية .. لكن مافي زي حلاوه الرحلات المباشره تركب الطياره ودعسه وحده وانت واصل وجهتك علشان كذا دائما افضل الخطوط السعوديه في سفراتي حتى وان كان سعرها مرتفع. بالنسبه للخطوط السعوديه لا يوجد رحلات مباشره من الرياض في ساعات الصباح الاولى .. تنجبر على رحلة الظهر الساعه ٢ وللوصول غالبا يكون متاخر الساعه 8 مساءا احسب ساعه في المطار من انتظار الشنط اجراءات استجار سياره وتحويل وفتح حساب يعني تطلع من المطار ٩ ولا ٩ ونص … خلص اليوم !! بحكم ان اغلب المزاعيط يسافرون جنوب ولا شمال المغرب يعتبر هذ يوم الوصول هذا ضائع عليك لانك بتوصل وغالبا راح تنجبر تاخذ لك فندق في كازا علشان تنام فيه من بكره تمشى الى وجهتك. جربت رحلة جدة كازا الاقلاع الساعه ٢ فجرا . والوصول الساعه ٧ صباحا نقول انت تطلع من المطار الساعه ٨ ونص من افضل الرحلات صراحه توقيتها جدا بطل خصوصا غالبا راح تنجبر تنام في الطياره حتى لو ما كنت من النوع اللي ينام في الطياره وصولها جدا بطل اول شي مافي زحمه ثاني شي توصل الصباح بدري وانت شبعان نوم بالطياره اليوم كامل قدامك يعني يمديك تمسك خط وتوصل وجهتك وتنام وتصحى ولسه اليوم كامل معك. بحكم اني من الرياض عيبها بالنسبه لي ترانزيت جدة . بالنسبه للرحلة العوده افضل رحلة يوم الخميس المغادرة الساعه ٩ مساءا والوصول الجمعه الساعه ٥ فجرا الى الرياض ما ادري هل في اوقات ثانيه كانت موجوده قبل خصوصا من الرياض

DarkMoon

مزعوط مميز

المشاركات: 458

تاريخ التسجيل: Feb 2018

2023-07-21, 03:18 AM

المشاركه #1

اقتباس:

المشاركة الأصلية كتبت بواسطة KSA1977

ملاحظه

إذا شحنت الشنطه من كازا ترانزيت في جدة وبعدها الرياض ووضحت للموظف إستلام الشنطه في الوجهه النهائيه

تستلم الشنطه في الرياض

يعني توصل جده فقط عليك تختم دخول وتتجه مباشره لبوابه الصعود للرحلة الداخليه المتوجهه للرياض

أما إذا كان عندك ترانزيت في جدة طويل استلم الشنطه ويوجد مكان مخصص لرحلات الترانزيت ضع شنطتك وهم يفتشونها واطلع مباشره للصاله الداخليه

طبعاً غالباً إذا كان وقت الترانزيت ساعتين وأقل إحتمال كبير ما يتم شحن الشنطة تتأخر في جدة للتفتيش وبعدها يتم شحن الشنطة على الرحلة الي بعدها

في هذة الحالة عند الوصول للرياض تنتظر شنطتك ولا وصلت

تصلح شكوى خدمات الأمتعة وتأخذ رقم وتتطلع وأول ما توصل شنطتك بيتواصلون معاك وتستلم العفش

طبعا لا تنسى تسوي مطالبه في موقع الخطوط السعودية عبر جودة الخدمه وتقدم شكوى في جودة الخدمة بيجيك رقم مطالبة وبعدها سيتم تعويضك بمبلغ تقريباً 200 ريال

وإذا ما تم تعويضك خلال 15 يوم ترفع شكوى على هيئة الطيران المدني وسيتم الحل مباشرة ويتم تعويضك

من واقع تجارب سابقة صارت معي مرتين

وتحياتي للجميع

اهلا وسهلا …سبق وجربت مرتين اخرها قريب قبل كم شهر واستفسرت من الكونتر وتبهدلت في المطار من. اصغر موظف الى السوبر فايزر قالولي استلم عفشك لازم تستلم بنفسك وتشحنه مره ثانيه للرياض مع ان الرحله كانت قريبه وللاسف راحت علي .

KSA1977

مزعوط نشيط

المشاركات: 109

تاريخ التسجيل: May 2021

2023-07-22, 12:34 AM

المشاركه #2

اقتباس:

المشاركة الأصلية كتبت بواسطة DarkMoon

مو لازم تستلم عفشك لإنك في تشيك إن في كازا وضحت إنك تستلم العفش للوجهه النهائيه
إلا إذا قلت له استلم العفش بجده
المفروض اتجهت مباشره للصاله الداخليه والعفش بيتم تفتيشه ويرسل للوجهه النهائيه وغالباً يتأخر إذا كان الترانزيت قصير أقل من ساعتين

DarkMoon

مزعوط مميز

المشاركات: 458

تاريخ التسجيل: Feb 2018

2023-07-28, 02:42 AM

المشاركه #3

اقتباس:

المشاركة الأصلية كتبت بواسطة KSA1977

مو لازم تستلم عفشك لإنك في تشيك إن في كازا وضحت إنك تستلم العفش للوجهه النهائيه

إلا إذا قلت له استلم العفش بجده

المفروض اتجهت مباشره للصاله الداخليه والعفش بيتم تفتيشه ويرسل للوجهه النهائيه وغالباً يتأخر إذا كان الترانزيت قصير أقل من ساعتين

اذا ماشحنت عفشك بنفسك ماراح يوصل العفش الرياض على كلام السوبرفايزر اللي كان متواجد عند السير

مشتاق لك

مزعوط فضي

المشاركات: 914

تاريخ التسجيل: Jul 2021

2023-07-29, 08:51 AM

المشاركه #4

اقتباس:

المشاركة الأصلية كتبت بواسطة DarkMoon

اذا ماشحنت عفشك بنفسك ماراح يوصل العفش الرياض على كلام السوبرفايزر اللي كان متواجد عند السير

الغريبة ليش ماتطلع دايركت من كازا الى الرياض
وش الي يحدك ترجع عن طريق جده كان اول يوم
كان الاقلاع من جده الصباح اروح عن طريق جده
لكن العوده اكيد دايركت على الرياض وسلامتك

DarkMoon

مزعوط مميز

المشاركات: 458

تاريخ التسجيل: Feb 2018

2023-08-02, 11:36 AM

المشاركه #5

اقتباس:

المشاركة الأصلية كتبت بواسطة مشتاق لك

ماكانت متوفره رحله كازا الرياض .. شيكت على الاسبوع كامل فل. مافي ولا مقعد بزنس ولا سياحي مافي الا كازا جدة الرياض.. صراحه اول مره تصيرلي

الببوش

مزعوط نشيط

المشاركات: 95

تاريخ التسجيل: Apr 2012

2023-08-07, 10:37 AM

المشاركه #6

اقتباس:

المشاركة الأصلية كتبت بواسطة DarkMoon

اذا ماشحنت عفشك بنفسك ماراح يوصل العفش الرياض على كلام السوبرفايزر اللي كان متواجد عند السير

من تجربتي الاخيره من كازا - الرياض -الدمام

العفش استلمته في الدمام .. وقالولي في كازا وماصدقتهم

لين وصلت الرياض ومريت حقين الشحن وسالتهم بما ان كان عندي ترانزيت فيه وقت

وقالي تستلم عفشك بالدمام وانتهى سيستم تستلم العفش في الوجهه الاولى عند وصول في الدولي

مشتاق لك

مزعوط فضي

المشاركات: 914

تاريخ التسجيل: Jul 2021

2023-08-07, 04:40 PM

المشاركه #7

معروف العفش تستلمه في اخر محطة لك
اذا انت ترانزيت اهم شيء تقول لموظف
الخطوط ابي استلم عفشي في المحطه
كذا وبس لازم تقول لموظف الخطوط
انا اطلع دايم الرياض كازا اكادير
واستلم عفشي في اكادير
واحيانا اذا ميار الرحله الرياض جده
كازا اكادير نفس الشيء بس الاهم قول
لموظف الكونتر ابي استلم عفشي في المحطه
الاولى او الثالنيه الخ. وسلامتكم

المواضيع المتشابهه للموضوع: الخطوط السعوديه افضل توقيت وصول ومغادرة من المغرب
الموضوع	آخر مشاركة
افضل شركه تشحن فيها من السعوديه الي المغرب	2022-04-05 02:15 AM
عاجل: وصول أولى طائرات الخطوط القطرية إلى مطار مراكش المنارة + صور	2016-07-02 04:39 PM
الخطوط السعوديه بالمغرب	2012-04-18 11:03 PM
عرض خاص على الخطوط السعوديه	2012-04-03 05:29 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

الخطوط السعوديه افضل توقيت وصول ومغادرة من المغرب

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)