حكايهـ عشق .. تقرير واقعي ( مواقف غريبه)

تنويه:-
لحفظ حقوق النشر تم الاستعاره بالصور من النت لدعم التقرير ولتقريب الصوره بشكل افضل حيث تمت زياره نفس الاماكن والمواقع وتوجد لدي عده صور لبعض الاماكن السياحيه واغلبها توجد صوري الشخصيه من ضمنها ومن بعد تعديل الصوره الشخصيه او طمسها لاخفاء شخصيه كاتب التقرير سيتم انزالها من ضمن التقرير
تحياتي الجميله لجميع المتواجدين
دمتم بود

مازلنا متابعين تقرير ممتع وسلس
اتمنى لك التوفيق بزوجه صالحه
تحياتي لك وللجميع

المهم تعرض علينا في العرس

(( الجزء الرابع))
صحيت من النوم وفيني نشاط وكالعاده لدي لابد من أخذ دش صباحي أبدا فيه يومي لبست وكان فيني جوع قلت أفطر على كورنيش عين دياب
[IMG]‏[/IMG]
تمشيت مسافه بسيطه وبعدها جلست بكوفي وطلبت قهوه مع عده قطع من الخبز الفرنسي مع الزبده والفراوله
[IMG]‏[/IMG]
وبعد الفطور اتصل على السواق وقالي انه قريب دقايق ويكون عندي بعدها ارجع الفندق وأخذ أغراضي وأسوي تسجيل خروج والسواق كان ينتظرني امام الفندق حطيت أغراضي وأنطلقنا بعض من حواري مع السواق:-
انا:- الليله نبي الغدا بحري وبما انا احنا بكازا خلنا نروح طماريس ونتغدا هناك وبعدها نمشي قريه تازناخت.
السواق :- انا معك ويالله نبدا الرحله.
انا: جهزت أمورك وملابسك ترا يمكن ماتشوف كازا شهر.
السواق:/ ههههه انا جاهز.
بعدها اخذنا جوله بسيطه بكازا مع نظره وداع للمدينه التي أعشقها وتركت أمل الرجوع لها حسب الظروف وانطلقنا الى طماريس
[IMG]‏[/IMG]
بعد ماوصلنا لقيت مجموعه من باعه الاسماك امام احدى مطاعم الشواء واخذنا عده اصناف للغداء
[IMG]‏[/IMG]
ودخلنا المطعم واخترنا طاوله وكان المطعم مافيه الا احنا وطاوله أخرى توجد بها عائله ونحن ننتظر الغداء لفت انتباهي فتاه تعمل بكل مافيها من قوه ومجتهده وجلست اتأمل فيها وأركز بتصرفاتها وتحركاتها حتى وصل الغدا
[IMG]‏[/IMG]
واحنا نتغدى كانت لي نظرات معها وقلت بنفسي يامحمد انت جاي تتزوج وفي مواقف تحتاج لجراه بحكم طبعي الخجول ولازم تحرك امورك وبعد الغدا الطيب طلبنا اتاي
[IMG]‏[/IMG]
وشفت مسؤوله المطعم جالسه على الكراسي قلت بغامر واروح عندها اكلمها واخذ بعض المعلومات اللي تساعدني.
انا:- السلام عليكم .
مسؤوله المطعم:- وعليكم السلام.
انا:- لو سمحتي حاب أسالك على شي.
مسؤوله المطعم:- تفضل.
انا:- البنت اللي هناك ((مع نظره من عيوني لجهه البنت)) هي متزوجه.
مسؤوله المطعم:- لا مع أبتسامه منها ليه.
انا:- أبتسامه مني حاب اتكلم معها
مسؤوله المطعم:- أوك باقي ساعتين وينتهي عملها واجلس معها وخذ راحتك بالكلام.
انا/- مشكوره ماقصرتي.
خلال هالفتره كنت مستمتع بشرب الاتاي مع تاملها ولاحظت خلال سرعه بسيطه كل اللي بالمطعم عرفوا بالموضوع انتشر الخبر بين الموظفين هههههه وانا جالس اشوف البنت تناظرني وهي تبتسم قلت اكيد جاها خبر طبعا وقتها مبسوط بعدها طلبت الحساب وحاسبت وقلت للمسؤوله اول مايخلص دوامها بكون موجود قالت بالانتظار رحنا انا والسواق تمشينا بااماكن قريبه من المطعم الين ماجاء وقت الموعد اول ماوقفنا السياره عند المطعم ونزلت كان في مغربي في أواخر الستين من عمره وجنبه المسؤوله وانا متوجه عندهم هي تاشر علي ((فهمت انها تبي تعلمه اني انا اللي كلمتها عن البنت)) وسلمت عليه.
صاحب المطعم :-انت اللي تبي تتزوج .
انا:- اذا ربي كتب لي ولها في زواجنا خير ان شاء الله .
صاحب المطعم :- هذي مثل بنتي وأعرفها من سنين ومحترمه وانا اضمنها لك من العمل للبيت واذا توفقتوا لا اوصيك عاملها بااحسان وأنتبه عليها.
أنا:- باذن الله تاكد وتطمن من هالشي.
صاحب المطعم :- تفضل وخذ راحتك.
أنا:- الله يبارك فيك ويطول بعمرك.
انتهى
دخلت المطعم لوحدي وأخترت طاوله في زوايه المطعم وأنادي الموظف وأطلب أتاي ويكلمني وهو مبتسم تبي تتزوج وانا ابتسم أقوله أن شاء الله جاب الاتاي ودقايق بعدها أشوف البنت جايه عندي وانا مبتسم واول ماوصلت قمت وسلمت عليها وجلسنا.
أنا :- منوره.
هي:- النور نورك مع ضحكه خجوله.
بعدها تكلمنا في كذا موضوع وشرحت لها وضعي كامل وهي شرحتلي وضعها كامل وقلت لها خذي وقت وفكري زين ولاتستعجلي وأنا بانتظار جوابك بعدها توادعنا على أمل القاء وركبت السياره وأنطلقنا متوجهين ألى قريه تازناخت مع وقفه جميله في مدينه مراكش الحمراء.
يتبع

يسعدني وجودك ومتابعتك
أشواقي الحاره لك

أسعدني تواجدك الكريم
تحياتي الحاره لك

مسكنا الخط وكان وقتنا مابين سماع بعض الاغاني ومابين محادثات على الواتس مع كذا شخص ومابيني انا والسائق أخذنا راحتنا بالخط حتى قربنا من مراكش وقلت للسواق بنريح فتره بسيطه في أحدى كوفهيات جيليز وبعدها نكمل طريقنا للأمانه أحترت في مقابله صديقي وبعد تفكير تركت لقائي به لوقت أخر حتى أنتهي من موعدي في قريهـ تازناخت دخلنا مراكش
[IMG]‏[/IMG]
وماوقفنا الا في جيليز وأخترنا أحدى الكوفهيات وأخترنا جلسه خارجيه نتامل الماره وأسترجع بعض الذكريات
[IMG]‏[/IMG]
طلبنا القهوه لي وللسائق عصير مع الحلا
[IMG]‏[/IMG]
وقضينا وقتنا بالكلام في مواضيع كثيره وكان جنبي طاوله فيها امراه كبيره بالسنه وابنها الصغير وبنتها بالعشرين من عمرها طبعا الطاوله قريبه مني التفت لاشعوريا ولاحظت بعض النظرات وقليل من الحركات الغريبه منها مع أبتسامه وكان وضعي وقتها بتوتر فلا يوجد لدي وقت لأغامر معها في ظل ظروفي ووضعي فمشاعري وقتها صامته لاترغب بعلاقات عابره أو التسليه تجاهلتها أكملنا القهوه وبعدها جوله بسيطه بجيلز نحرك رجولنا حتى أخذنا كفايتنا وركبنا السياره ومسكنا الخط وكان الطريق طويل جدا ومتعب وخلال الطريق كان لدي تواصل مع البنت اللي بالقريه وعندها علم ان وصولي لاتفصله سوى ساعات باذن الله وكان وقتها ليل ومرينا على جبال تشيكا وهي خطيره لازم الواحد يكون مصحصح ويفضل يروح بالنهار لخطورتها للامانه تعبنا جدا بالطريق وماارتحنا الا لما دخلنا القريه وكان تقريبا وقتها الساعه 3 الفجر قريه أشباح لم نجد فيها الا بعد عناء كم شخص بالشارع وسالناهم عن فندق وقالوا مافي الا واحد وعطونا الوصف ولقيناه مقفل يالله وش هالورطه حاولنا نشوف سكن مده نص ساعه مالقينا شي وش الدبره وين نروح وين ننام تعبانين والله مافي الا هالحل وقفنا بمكان جنب محطه بنزين وامنا باب السياره وماحسينا بنفسنا من شده التعب الا واحنا نايمين ...
الجزء القادم:-
١:- يالله ماهذا الحظ ؟! وش اللي قاعد يصير معاي؟! لماذا ياتازناخت؟!
٢:- تهديد بالقتل والسبب زواج؟!
٣:- لحظات صمت وتأمل في ورزازات؟!
٤:- مقابله صديقي في مراكش؟

حمد لله على السلامة

النية مطية يأخ محمد

الله يسلمك

(( الجزء الخامس ))
((قريه تازناخت الغامضهـ))
بعد مانمنا من التعب صحينا على 7 الصبح ولازلنا تعبانين ومرهقين من طريق السفر والنومه اللي بالسياره شغلنا السياره ورحنا الفندق حجزنا غرفه بسعر 150 درهم وبعد ماحطيت أغراضي تواصلت مع البنت عده دقايق وقالت لي موعدنا على الظهر طبعا نمنا من التعب وصحيت بعدها على الساعه 11 لقيت مكالمات كثيره من رقمها ومن رقم غريب اتصلت عليها وقالت لي ليه ماارد وان ابوها جاء الفندق الساعه 9 الصبح واتصل علي بس انا مارديت قفلت من عندها رجعت اتصل على ابوها اكثر من مره مارد علي رجعت بعدها اتصل عليها وقلت لها اتصلت على ابوك مارد قالت بتشوفه وترجع تكلمني قلت اوكي .
خلال هالوقت أخذت دش ولبست وطلعت بعض الهدايا وطلعنا من الفندق فطرنا بعد الفطور اتصل عليها البنت ماترد قلت يمكن مشغولين او يجهزون ويرتبون وضعهم رحت بعدها أخذت بعض الحلويات المغربيه ومرت أكثر من نص ساعه ولا اتصلت رجعت اتصل ماترد تمشينا شوي بنفس الشارع اللي فيه الفندق ومرت اكثر من ساعه واتصل ماترد رجعت اتصل على ابوها ولايرد هنا أستغربت وقلت وش الوضع لاهي اللي ترد ولا ابوها وطال الانتظار الى ماوصلت الساعه 3 العصر ولا اي رد او جواب منهم رجعت الفندق وانا زعلان ومتضايق وارتب شنطتي وانا ارتبها جتني على الواتس رساله طويله جدا بعض من محتواها بالمختصر:-
(( انا والله اسفه ومالي وجه اتكلم معاك أرجوك سامحني المشكله اللي صارت أخوي لما عرف أنك سعودي رفض وجالس يصارخ وسوا لنا مشاكل بالبيت وحلف انه يذبحني لو تم هذا الزواج وابوي مو عارف كيف يتصرف وانا حتى جالسه ابكي الحين وطلعت من البيت وجالسه عند بنت الجيران حاولت اقنعهم قابلوه الرجال جاء من بلد ثانيه اجلسوا معاه استقبلوه بس رفض اخوي رفض تام)).
انا بعد ماقريت الرساله تحطمت وزعلت جدا من هالتصرف مارديت عليها حتى برساله وعلى طول أخذ أغراضي ونطلع من الفندق وركبنا السياره طالعين من قريه تازناخت مالقيت مبنى مشهور او عليه كتابه الا هذا المبنى صورته واخذنا كم صوره انا والسواق
[IMG]‏[/IMG]
ركبنا السياره قلت للسواق يالله نشد حيلنا بهالحلويات اللي جبنها وكملنا طريقنا متوجهين الى مدينه ورزازات ..
يتبع